Dafydd Glyn Jones
Mae Dafydd Glyn Jones (ganed 1941) yn ysgolhaig a geiriadurwr o Gymro a aned ym mhentref Carmel yn Arfon, Gwynedd. Mae'n arbenigwr ar ryddiaith Cymraeg Canol ac mae ei ddiddordebau eraill yn cynnwys hanesyddiaeth Cymru, Robert Jones, Rhoslan, a bywyd a gwaith Emrys ap Iwan.
| Dafydd Glyn Jones | |
|---|---|
| Ganwyd | 1941  |
| Dinasyddiaeth |  Cymru |
| Alma mater | |
| Galwedigaeth | geiriadurwr, ieithydd |
Y mae hefyd yn flogiwr ac yn sylwebydd gwleidyddol craff.
Cafodd ei addysg yn Ysgol Gynradd Carmel ac Ysgol Dyffryn Nantlle, Pen-y-groes. Astudiodd yng Ngholeg Prifysgol Gogledd Cymru, Bangor, ac yng Ngholeg Linacre, Rhydychen.
Treuliodd gyfnod hir fel darlithydd ac wedyn Uwch-ddarlithydd yn yr Iaith Gymraeg a Llenyddiaeth Gymraeg ym Mhrifysgol Cymru, Bangor. Gyda'i gyd-olygydd Bruce Griffiths, golygodd Geiriadur yr Academi. Ymddeolodd o'r brifysgol yn 2000.
Yn 2010 sefydlodd gwmni cyhoeddi Dalen Newydd sy'n cyhoeddi cyfuniad o glasuron allan-o-brint a gweithiau newydd.
Llyfryddiaeth golygu
Mae Dafydd Glyn Jones yn awdur nifer o erthyglau ar bynciau'n ymwneud â llên a hanesyddiaeth Cymru, e.e.
- Drych yr Amseroedd (1987)
- Y Bedwaredd Gainc (1988)
- Gwlad y Brutiau (1990)
- Cyfrinach Ynys Brydain (Darlith Flynyddol BBC Cymru, 1992)
Cyhoeddwyd detholiad o'i ysgrifau ar hanesyddiaeth Cymru yn,
- Agoriad yr Oes (Y Lolfa, 2001). ISBN 0-86243-603-6