F.C. Progrès Niederkorn

Mae Football Club Progrès Niederkorn, neu, fel rheol Progrès Niederkorn yn glwb pêl-droed yn nhref Niederkorn, yn ne-orllewin Lwcsembwrg.

Progrès Niederkorn

Enw llawn	Football Club Progrès Niederkorn
Sefydlwyd	1919 (1919)
Maes	Stade Jos Haupert, Niederkorn (sy'n dal: 4,830)
Cadeirydd	Fabio Marochi
Rheolwr	Thomas Gilgemann
Hyfforddwr	Roland Vrabec
Cynghrair	Uwch Gynghrair Lwcsembwrg
Lliwiau Cartref Lliwiau Oddi cartref

Hanes

Sefydlwyd Progrès ar 14 Awst 1919 o dan yr enw Cercle Sportif. Roedd y cit yn cynnwys crys coch gyda chylch brest gwyn a llewys gwyn a throwsus gwyn. Ar 15 Mawrth 1922, newidiwyd y lliwiau yn crys streipiog du a melyn ac ychydig yn ddiweddarach newidiwyd y trwsus yn ddu.

Erbyn 1923 roedd Progrès wedi esgyn i'r ail adran ac yn 1926 i Uwch Gynghrair Lwcsembwrg sef yr Erste Division fel y gelwyd ar y pryd ac yna'r Nationaldivision. Yn 1933 enillodd Progrés Gwpan Lwcsembwrg (Coupe de Luxembourg) gan ennill 4-1 yn erbyn Union Luxembourg. Dyma oedd anrhydedd gyntaf y clwb.

Yn y cyfnod ble roedd yr Almaen wedi meddiannu Lwcsembwrg yn ystod yr Ail Ryfel Byd, chwaraeodd y clwb yn y Gauliga Moselland (sef cynghrair talaith newydd oedd yn cynnwys rhannau o'r Almaen) o dan enw FK Niederkorn, pan orffennodd yn ail yn 1942–43, y tu ôl i'r pencampwyr TuS Neuendorf.

Gan ennill y gynghrair ddomestig dair gwaith, cyfnod mwyaf llwyddiannus y clwb oedd diwedd y 1970au a dechrau'r 1980au. Nid ydynt wedi ennill unrhyw dlws mawr ers ennill y gynghrair ym 1981.

Yn nhymor 2005-06, daeth Niederkorn yn ail yn ail adran Lwcsembwrg. Wrth i'r adran uchaf, y Nationaldivison, ehangu o ddeuddeg tîm i bedwar ar ddeg, cafodd Niederkorn eu dyrchafu ynghyd â Differdange 03.

Yn nhymor 2016–17 y Nationaldivison, denodd Progrès Niederkorn dorf fwyaf y gynghrair y flwyddyn honno: 1,820. Eu torf gartref, ar gyfartaledd, oedd 710.

Ar 4 Gorffennaf 2017, curodd Progrès F.C. dîm enwog Rangers F.C. o'r Alban yn rownd gymhwyso gyntaf Cynghrair Europa UEFA 2017–18. Gwnaethant golli 0-1 yn Ibrox yn y cymal cyntaf, ac yna ennill 2-0 yn y Stade Jozy Barthel. Y fuddugoliaeth hon hefyd oedd buddugoliaeth gyntaf erioed y clwb mewn pêl-droed Ewropeaidd a'r tro cyntaf iddynt sgorio mwy nag un gôl mewn gêm. Fe wnaethon nhw fwynhau ymgyrch gwell hyd yn oed yn Nghynghrair Europa UEFA 2018-19, gan guro CC FK Gabala a Budapest Honvéd i gyrraedd y trydydd rownd gymhwyso yn erbyn tîm Ufa o Rwsia. Roedd y tei ar fin mynd i amser ychwanegol ond sgoriodd Ufa gôl funud olaf.

Anrhydeddau

• Uwch Gynghrair Lwcsembwrg

Enillwyr (3): 1952–53, 1977–78, 1980–81

• Cwpan Lwcsembwrg

Enillwyr (4): 1932–33, 1944-45, 1976–77, 1977–78

Gemau yn Ewrop

Tymor	Twrnament	Rownd	Gwrthwynebwyr	Cartref	Oddi cartref	Cyfanswm goliau
1977–78	Cwpan Enillwyr Cwpannau UEFA	1	Vejle Boldklub	0–1	0–9	0–10
1978–79	Cwpan Ewrop	1	Real Madrid	0–7	0–5	0–12
1979–80	Cwpan UEFA	1	Grasshopper Club Zürich	0–2	0–4	0–6
1981–82	Cwpan Ewrop	1	Glentoran	1–1	0–4	1–5
1982–83	Cwpan UEFA	1	Servette	0–1	0–3	0–4
2015–16	Cynghrair Europa UEFA	Cymhwyso 1	Shamrock Rovers	0–0	0–3	0–3
2017–18	Cynghrair Europa UEFA	Cymhwyso 1	Rangers	2–0	0–1	2–1
		Cymhwyso 2	AEL Limassol	0–1	1–2	1–3
2018–19	Cynghrair Europa UEFA	Cymhwyso 1	Gabala	0–1	2–0	2–1
		Cymhwyso 2	Honvéd	2–0	0–1	2–1
		Cymhwyso 3	Ufa	2–2	1–2	3–4
2019–20	Cynghrair Europa UEFA	Rhagbrofol	Met Caerdydd	1–0	1−2	2–2 (g.o.c.)
		Cymhwyso 1	Dinas Corc	1−2	2–0	3–2
		Cymhwyso 2	Rangers	0–0	0−2	0–2

Tîm Menywod

Mae gan y clwb dîm menywod syn chwarae yn y Dames Ligue 1. Mae'r tîm wedi ennill y gynghrair 15 gwaith ac felly, yn dal y record genedlaethol. Enillwyd y teitl ddiwethaf yn 2010-11 a galluogodd iddynt gystadlu yng Cynghrair Pencampwyr Menywod UEFA yn 2011-12.

Dolenni

• Gwefan Swyddogol Archifwyd 2012-11-09 yn y Peiriant Wayback. – Progrès Niederkorn
• Tudalen Facebook – Progrès Niederkorn