Gwilym Davies
gweinidog (B), hyrwyddwr dealltwriaeth ryngwladol; sylfaenydd Neges Heddwch Plant Cymru
Gweinidog gyda'r Bedyddwyr oedd Gwilym Davies CBE (24 Mawrth 1879 – 26 Ionawr 1955),[1] a dreuliodd lawer o'i oes yn ceisio gwella cysylltiadau rhyngwladol wrth gefnogi gwaith Cynghrair y Cenhedloedd a'i olynydd, y Cenhedloedd Unedig. Fo hefyd oedd y dyn cyntaf i ddarlledu yn Gymraeg, ar Ddydd Gŵyl Dewi 1923.[2]
| Gwilym Davies | |
|---|---|
_(cropped).jpg) | |
| Ganwyd | 24 Mawrth 1879  |
| Bu farw | 26 Ionawr 1955 |
| Dinasyddiaeth |  Cymru |
| Alma mater | |
| Galwedigaeth | gweinidog yr Efengyl |
| Priod | Mary Elizabeth Ellis |
| Gwobr/au | CBE |
Deallai Gwilym Davies grym y dechnoleg newydd a llwyddodd i ysgogi danfon Neges Heddwch ac Ewyllus Da (a ddaeth maes o law o dan adain Urdd Gobaith Cymru) ar y tonfenni radio ar 28 Mehefin 1923.[3][4]
Roedd yn enedigol o Fedlinog, Merthyr Tudful ble roedd ei dad, D. J. Davies, hefyd yn weinidog gyda'r Bedyddwyr.
Roedd yn briod â Mary Elizabeth Ellis a oedd yn un o arweinwydd Apêl Heddwch Menywod Cymru yn 1923 ac 1924.
Cyfeiriadau golygu
- ↑ "The Rev. G. Davies – A worker for world peace". The Times. 27 Ionawr 1955. t. 10.
- ↑ Davies, Gwilym (1879–1955). Y Bywgraffiadur Ar-lein. Llyfrgell Genedlaethol Cymru. Adalwyd ar 4 Gorffennaf 2013.
- ↑ bywgraffiadur.cymru; Y Bywgraffiadur Cymreig; Llyfrgell Genedlaethol Cymru.
- ↑ https://www.casgliadywerin.cymru/items/502465