Harry Parry
Roedd Harry Owen Parry (22 Ionawr 1912 – 18 Hydref 1956) yn chwararewr clarinet jazz ac arweinydd band o Gymru.[1]
| Harry Parry | |
|---|---|
| Ganwyd | 22 Ionawr 1912  Bangor |
| Bu farw | 18 Hydref 1956 Llundain |
| Dinasyddiaeth |  Cymru |
| Galwedigaeth | arweinydd band, arweinydd, cerddor jazz, chwaraewr sacsoffon |
| Arddull | jazz |
| Priod | Jeannie Bradbury |
Ganwyd Parry ym Mangor, Cymru. Roedd yn chwarae'r cornet, corn tenor, flugelhorn, drymiau a ffidil yn blentyn, a dechreuodd chwarae'r clarinet a'r sacsoffon yn 1927. Wedi iddo symud i Lundain ym 1932, fe chwaraeodd gyda nifer o fandiau dawns, gan gynnwys Percival Mackey's, yna arweiniodd ei fand chwe aelod ei hun. Bu'n chwarae yng Ngwesty'r St. Regis yn 1940 pan gafodd ei ddewis gan y BBC i arwain y band yn ei sioe Radio Rhythm Club. Yna, aeth ymlaen i recordio dros 100 o deitlau ar gyfer Recordiau Parloffone gyda'i chwechawd, a oedd yn cynnwys George Shearing a Doreen Villiers fel aelodau.
Yn dilyn yr Ail Ryfel Byd, bu Parry yn gweithio'n helaeth ar radio a theledu, yn cynnwys bod yn chwaraewr recordiau. Bu'n teithio ar draws y byd fel arweinydd band yn y 1940au diweddar a'r 1950au, gan gynnwys y Dwyrain Canol a'r India. Roedd Parry yn ddyledus o ran ei arddull i Benny Goodman, cymhariaeth a nodwyd gan feirniaid cyfoes. Bu farw yn Llundain.
Cyfeiriadau golygu
- ↑ Davies, John; Jenkins, Nigel; Menna, Baines; Lynch, Peredur I., gol. (2008). The Welsh Academy Encyclopaedia of Wales. Cardiff: University of Wales Press. t. 651. ISBN 978-0-7083-1953-6.
Bywgraffiad golygu
- Clarrie Henry, "Harry Parry". Grove Jazz online.
- Gwilym Arthur Jones, PARRY, OWEN HENRY (HARRY PARRY; 1912-1956), jazz musician, Dictionary of Welsh Biography