Marchnad Abertawe
Lleolir Marchnad Abertawe sef marchnad dan do fwyaf Cymru yng nghanol dinas Abertawe.[1] Gorchuddir y farchnad gan do ffram ddur bwaog ac mae hwnnw wedi ei orchuddio gan ddur a gwydr. Adeiladwyd y farchnad bresennol gan Percy Edwards ym 1959-1960. Dyma'r bedwaredd farchnad i gael ei hadeiladu ar y safle yn ystod y ddwy ganrif ddiwethaf. Roedd y farchnad flaenorol ar y safle hwn wedi bod yno ers 1894 a chafodd ei dinistrio yn ystod y Blitz yn ystod yr Ail Ryfel Byd. Mae'r safle wedi cael ei defnyddio fel marchnad ers yr Oesoedd Canol. Yn ymylu ar y farchnad, ceir Canolfan Siopa'r Quadrant.
 | |
| Math | adeilad, marchnad  |
|---|---|
| Daearyddiaeth | |
| Gwlad |  Cymru |
| Cyfesurynnau | 51.618°N 3.95°W |
 | |
Gwerthir amrywiaeth o nwyddau yn y farchnad, o ffrwythau a llysiau ffres, i gig, pysgod a byrbrydiau a cheir stondinau a caffis yno sy'n gwerthu danteithion lleol a rhyngwladol fel selsig Almeinig, bara lawr Cymreig a chocos o Benclawdd.
Dolenni allanol golygu
- Marchnad Abertawe (gwefan swyddogol) Archifwyd 2009-03-04 yn y Peiriant Wayback.
- SwanseaHeritage.net Marchnad Abertawe Archifwyd 2007-09-27 yn y Peiriant Wayback.
Cyfeiriadau golygu
- ↑ Gwefan swyddogol Marchnad Abertawe Archifwyd 2009-03-04 yn y Peiriant Wayback.. Adalwyd 10-05-2009