Nia Griffith
Aelod Seneddol Llafur dros etholaeth Llanelli yw Nia Rhiannon Griffith (ganwyd 4 Rhagfyr 1956).
| Nia Griffith AS | |
|---|---|
| |
| Ysgrifennydd Gwladol Cysgodol Cymru | |
| Yn ei swydd | |
| Dechrau 6 Ebrill 2020 | |
| Arweinydd | Keir Starmer |
| Cysgodi | Simon Hart |
| Rhagflaenydd | Christina Rees |
| Yn ei swydd 13 Medi 2015 – 27 Mehefin 2015 | |
| Arweinydd | Jeremy Corbyn |
| Cysgodi | Stephen Crabb Alun Cairns Simon Hart |
| Rhagflaenydd | Owen Smith |
| Olynydd | Paul Flynn |
| Ysgrifennydd Gwladol Cysgodol dros Amddiffyn | |
| Yn ei swydd 6 Hydref 2016 – 6 Ebrill 2020 | |
| Arweinydd | Jeremy Corbyn |
| Cysgodi | Michael Fallon Gavin Williamson |
| Rhagflaenydd | Clive Lewis |
| Aelod Seneddol dros Llanelli | |
| Yn ei swydd | |
| Dechrau 5 Mai 2005 | |
| Rhagflaenydd | Denzil Davies |
| Mwyafrif | 7,095 (18.4%) |
| Manylion personol | |
| Ganwyd | Nia Rhiannon Griffith 4 Rhagfyr 1956 Dulyn, Iwerddon |
| Plaid wleidyddol | Llafur |
| Alma mater | Coleg Somerville, Rhydychen Prifysgol Bangor |
| Gwefan | Gwefan swyddogol |
Cafodd ei phenodi yn Ysgrifennydd Gwladol Cysgodol Cymru gan arweinydd y Blaid Lafur Jeremy Corbyn ar 13 Medi 2015,[1] gan ymddiswyddo ar 27 Mehefin 2016.[2]
Bywgraffiad golygu
Daw ei theulu o bentrefi glofaol ger Castell Nedd. Ganwyd hi yn Nulyn yn yr Iwerddon a'i haddysgu yn Ysgol Uwchradd Newland yn Hull a Choleg Somerville, Rhydychen. Cafodd radd dosbarth cyntaf mewn Ieithoedd Modern yno. Dilynodd gwrs hyfforddi athrawon ym Mhrifysgol Cymru, Bangor a bu'n athrawes, yn ymgynghorydd addysg ac Arolygwr Estyn cyn dod yn Aelod Seneddol. Mae'n medru siarad pum iaith: Cymraeg; Saesneg; Eidaleg; Ffrangeg a Sbaeneg.
Fe etholwyd Nia i'r Tŷ'r Cyffredin yn Etholiad Cyffredinol y Deyrnas Unedig, 2005, yn dilyn ymddeoliad Denzil Davies. Enillodd y sedd gyda mwyafrif o 7,234 o bleidleisiau. Traddododd ei haraith gyntaf yn Nhŷ'r Cyffredin ar Fai’r 19eg, 2005 [1]. Yn y Senedd, mae hi’n aelod o’r Pwyllgor Materion Cymreig yn ogystal â’r Pwyllgor Archwilio Ewropeaidd.
Ymunodd Nia Griffith â’r Blaid Lafur ym 1981. Yn y gorffennol, bu hi’n Ysgrifenyddes Plaid Lafur Sir Gaerfyrddin. Etholwyd hi yn Gynghorydd i Gyngor Tref Caerfyrddin ym 1987. Gwasanaethodd fel Siryf ym 1997 a Dirprwy Faer ym 1998. Ei phrif ddiddordebau gwleidyddol yw Ewrop a’r amgylchedd.
Bywyd personol golygu
Mae Griffith wedi ysgaru, roedd ei cyn ŵr yn weithiwr cymdeithasol.[3][4] Mewn llun grŵp o wleidyddion LHDT wedi ei dynnu ar gyfer The Independent yn Chwefror 2016, fe wnaeth Griffith ddod allan fel lesbiad, gan ddweud bod ei rhywioldeb yn hysbys ymysg ei ffrindiau, teulu a chyd-weithwyr ers canol y 1990au.[5]
Mae Griffith yn berchen ar dŷ yn Llanelli, fflat yn Llundain,[6] a thyddyn yn Sir Gaerfyrddin sy'n derbyn nawdd Tir Gofal.[7] Mae ei diddordebau yn cynnwys cerddoriaeth, sinema Ewropeaidd, garddio, cerdded a seiclo.[8][9]
Cyhoeddiad golygu
- 100 Ideas for Teaching Languages by Nia Griffith, 2005, Continuum International Publishing Group ISBN 0826485499
Cyfeiriadau golygu
- ↑ http://www.theguardian.com/politics/2015/sep/14/jeremy-corbyn-labour-shadow-cabinet-in-full/37590[dolen marw]
- ↑ Syal, Rajeev; Perraudin, Frances (27 Mehefin 2016). "Shadow cabinet resignations: who has gone and who is staying". The Guardian. Cyrchwyd 27 Mehefin 2016.
- ↑ Dod's parliamentary companion guide ... - Google Books
- ↑ This is South Wales | The Labour Party's hopeful, Nia Griffith
- ↑ http://www.independent.co.uk/news/uk/politics/gay-mps-the-photograph-that-shows-westminsters-attitude-towards-lgbt-politicians-is-changing-a6886771.html
- ↑ MPs' expenses: Full list of MPs investigated by the Telegraph - Telegraph
- ↑ TheyWorkForYou
- ↑ "WPR - Nia Griffith MP". Parliamentaryrecord.com. Archifwyd o'r gwreiddiol ar 2012-05-15. Cyrchwyd 2012-08-20.
- ↑ Dod's parliamentary companion - Google Books
Dolenni allanol golygu
- Gwefan swyddogol[dolen marw]
- (Saesneg) Guardian Unlimited Politics - Ask Aristotle: Nia Griffith MP
- (Saesneg) TheyWorkForYou.com - Nia Griffith MP
| Senedd y Deyrnas Unedig | ||
|---|---|---|
| Rhagflaenydd: Denzil Davies |
Aelod Seneddol dros Lanelli 2005 – presennol |
Olynydd: deiliad |
| Swyddi gwleidyddol | ||
| Rhagflaenydd: Owen Smith |
Ysgrifennydd Gwladol Cysgodol Cymru 3 Medi 2015 – presennol |
Olynydd: deiliaid |