Owain Arthur
Actor o Gymro yw Owain Arthur (ganwyd 5 Mawrth 1983) sy'n adnabyddus yng Nghymru am ei waith ar Rownd a Rownd. Daeth i sylw ehangach yn chwarae Francis Henshall yng nghynhyrchiad y National Theatre o One Man, Two Guvnors yn theatr y Royal Haymarket. Dilynodd yr actor James Corden yn y rhan a cafodd gyfle yn ddiweddarach i berfformio'r sioe yn Hong Kong, Seland Newydd ac Awstralia.[1][2]
| Owain Arthur | |
|---|---|
| Ganwyd | 5 Mawrth 1983  Bangor |
| Dinasyddiaeth |  Cymru |
| Alma mater | |
| Galwedigaeth | actor, actor teledu |
Treuliodd ei flynyddoedd cynnar yn Rhiwlas yn Nyffryn Ogwen lle mynychodd Ysgol Rhiwlas ac Ysgol Dyffryn Ogwen.[3] Cychwynnodd ei yrfa actio pan oedd yn 11 oed gan chwarae'r cymeriad Aled Shaw ar gyfres sebon S4C Rownd a Rownd am naw mlynedd.[4] Fel plentyn bu'n mynychu yr ysgol berfformio lleol, Ysgol Glanaethwy ac aeth ymlaen i hyfforddi yn Ysgol Gerdd a Drama y Guildhall yn Llundain.
Mae wedi perfformio mewn sawl rhan yn y theatr gan gynnwys Romeo and Juliet ar gyfer y Royal Shakespeare Company, The Comedy of Errors yn y Royal Exchange Theatre a Birdsong yn y Comedy Theatre. Mae hefyd wedi gweithio yn helaeth ar deledu Prydeinig.[5]
Cyfeiriadau golygu
- ↑ "Where to, Guvnor? Comedy star Owain Arthur almost became a cabbie". Evening Standard. 18 Hydref 2013.
- ↑ Karen Price (24 Ionawr 2014). "Owain Arthur looks ahead to life after One Man, Two Guvnors". walesonline.
- ↑ Owain Arthur, Un dyn, Un sioe. S4C (2013). Adalwyd ar 25 Gorffennaf 2017.
- ↑ Llais Ogwan - y Gwyll. Llais Ogwan (Chwefror 2015). Adalwyd ar 25 Gorffennaf 2017.
- ↑ Aled Blake (16 Mawrth 2012). "Actor Owain Arthur wins rave reviews after taking James Corden's hit role". walesonline.
Dolenni allanol golygu
- Owain Arthur ar wefan Internet Movie Database
- Owain Arthur ar Twitter