Sue Jones-Davies
Actores a chantores Gymreig yw Sue Jones-Davies (ganwyd 1 Ionawr 1949) a actiodd fel Judith Iscariot yn y ffilm Monty Python's Life of Brian yn 1979. Roedd hi'n faer Aberystwyth o 2008 tan 2009 ac mae'n gynghorydd tref bellach.[1][2]
| Sue Jones-Davies | |
|---|---|
| Ganwyd | 1 Ionawr 1949  Cymru |
| Man preswyl | Dinas |
| Dinasyddiaeth |  Cymru |
| Alma mater | |
| Galwedigaeth | actor, gwleidydd, canwr, actor llwyfan, actor ffilm |
| Priod | Chris Langham |
Bywyd cynnar golygu
Ganwyd Sue Jones-Davies yng Nghymru yn 1949 a bu'n byw yn Ninas, Sir Benfro. Graddiodd o Brifysgol Bryste gyda gradd mewn Saesneg.
Gyrfa golygu
Gweithiodd Jones-Davies yn Llundain am sawl blwyddyn. Ymddangosodd yn y cynhyrchiad gwreiddiol o Jesus Christ Superstar yn West End Llundain.[3] Mae cydnabyddiaethau arall yn cynnwys Life of Brian, Radio On, Rock Follies, French and Saunders, Victoria Wood As Seen On TV a Brideshead Revisited. Drwy ei rhan yn Rock Follies cafodd sengl yn y siartiau gyda "OK" mewn partneriaeth a Julie Covington, Rula Lenska a Charlotte Cornwell, gan gyrraedd rhif 10 yn Mehefin 1977.[4] Yn Awst 1976, roedd Jones-Davies ar y rhestr fer i gael i rhan Leela yng nghyfres Doctor Who ar y BBC, ond enillwyd y rhan gan Louise Jameson.[5]
Yn y 1970au roedd hi'n canu yn y The Bowles Brothers Band. Mae'n canu gyda'r grŵp acwstig gwerin Cusan Tan[6] ynghyd â Annie Jones. Mae hi wedi ymddangos yn achlysurol ar raglenni Cymraeg. Yn 1981, chwaraeodd ran Megan Lloyd George, merch y prif weinidog yng nghyfres The Life And Times Of David Lloyd George y BBC.[7]
Mae hi nawr yn gynghorydd Plaid Cymru yng Nghyngor Tref Aberystwyth.[8]
Rhwng Mehefin 2008 a Mai 2009,[9] bu'n gwasanaethau fel Maer Aberystwyth, a trefnodd ddangosiad o Life of Brian.[10][11] Yn Mehefin 2008 fe gyfwelwyd Jones-Davies ar BBC Radio Wales a BBC Radio 2 am y ffilm a'i statws yn Aberystwyth. Fe'i broffilwyd hefyd ar Woman's Hour, BBC Radio 4. Dangoswyd y ffilm ar 28 Mawrth 2009 yng Canolfan Gelfyddydau Aberystwyth a daeth dau aelod Monty Python, Michael Palin and Terry Jones i'r dangosiad.[12][13] Darlledwyd y digwyddiad ar BBC One ar 12 Mai 2009 fel rhaglen ddogfen o'r enw Monty Python in Aberystwyth: A Mayor and Two Pythons.[14][15]
Bywyd personol golygu
Cyfarfu ei chyn ŵr, yr actor a'r awdur Chris Langham tra yn y coleg ym Mryste. Fe briododd y ddau yn fuan ar ôl graddio gan ymgartrefu yn Llundain. Mae ganddynt dri mab, Dafydd Jones-Davies, Siencyn Langham a Glyn Langham. Fe wahanwyd y ddau yn ddiweddarach a symudodd hi i Aberystwyth gyda'i tri mab.[1]
Cyfeiriadau golygu
- ↑ 1.0 1.1 Hill, Emily (27 Awst 2011). "The amazing Life Of Brian's girlfriend: From her naked film roles and the jailing of her ex-husband to becoming Mayor of Aberystwyth". Daily Mail. Cyrchwyd 10 Tachwedd 2014.
- ↑ "copi archif". Archifwyd o'r gwreiddiol ar 2016-03-05. Cyrchwyd 2014-12-24.
- ↑ "1972 London Palace Theatre Production of Jesus Christ Superstar".
- ↑ http://www.chartstats.com/release.php?release=7211
- ↑ Doctor Who: The Face of Evil. BBC DVD/2Entertain. ISBN 0-7806-8517-2
- ↑ "Profile: Cusan Tan". Ceolas celtic music archive. Cyrchwyd 19 Gorffennaf 2008.
- ↑ "Sue Jones-Davies". BBC. Cyrchwyd 10 Tachwedd 2014.
- ↑ "In pictures: First impressions from Aberystwyth". BBC. Cyrchwyd 19 Gorffennaf 2008.
- ↑ "Nick Bourne blog". 27 Mai 2009. Cyrchwyd 10 Mai 2010.
- ↑ "Town ends Python film 30-year ban". BBC News. 27 Chwefror 2009. Cyrchwyd 10 Mai 2010.
- ↑ "Once Banned, Monty Python Flick Returns To Town". National Public Radio. 8 Mawrth 2009. Cyrchwyd 10 Mai 2010.
- ↑ "Monty Python stars flout Aberystwyth film 'ban'". Daily Post. 30 Mawrth 2009. Cyrchwyd 10 Tachwedd 2014.
- ↑ Johnston, Ian (28 March 2009). "Aberystwyth embraces Monty Python's Life of Brian". The Telegraph. Cyrchwyd 10 Tachwedd 2014.
- ↑ "Monty Python in Aberystwyth". BBC. Cyrchwyd 10 Tachwedd 2014.
- ↑ McCall, Douglas (2014). Monty Python : A Chronology, 1969-2012 (arg. 2). Jefferson, North Carolina: McFarland & Company, Inc. t. 282. ISBN 978-0-7864-7811-8.
Dolenni allanol golygu
- Sue Jones-Davies ar wefan Internet Movie Database