Ardal Forol Warchodedig

Ardal warchodedig sydd yn cynnwys ardal fôr yw Ardal Forol Warchodedig. Fel arfer mae ardaloedd morol gwarchodiedig yn cyfyngu ar weithgarwch dynol at ddiben cadwraeth, er mwyn diogelu adnoddau naturiol neu ddiwylliannol.

Ardal Forol Warchodedig

Math	ardal gadwriaethol, gwarchodfa natur
Ffeiliau perthnasol ar Gomin Wicimedia

Gall yr amddiffyniad hwn gynnwys cyfyngiadau ar ddatblygiad masnachol, arferion pysgota, tymhorau pysgota a therfynau dalfa, angorfeydd a gwaharddiadau ar symud neu darfu ar fywyd morol.

Gall yr ardaloedd hyn gael eu gwarchod gan awdurdodau ar lefelau amrywiol – lleol, gwladwriaethol, taleithiol, rhanbarthol, brodorol, cenedlaethol neu ryngwladol – mae natur y rheolaeth hon yn amrywio'n sylweddol rhwng rhanbarthau.

Ardaloedd morol gwarchodiedig yn 2020

Cymru

Mae gan Gymru 139 Ardal Forol Warchodedig, sy’n cynnwys 69% o ddyfroedd y glannau (hyd at 12 milltir forol). Mae sawl math o ardal forol warchodedig sy’n cynnig gwahanol lefelau o amddiffyniad.

Dolenni allanol

• (Saesneg) Map rhyngweithiol y Cyd-bwyllgor Cadwraeth Natur yn dangos ein rhwydwaith o ardaloedd morol gwarchodedig o gwmpas Ynysoedd Prydain