Bae Massachusetts
Cainc o ogledd Cefnfor yr Iwerydd yw Bae Massachusetts (Saesneg: Massachusetts Bay) sydd yn ymestyn o benrhyn Cape Ann yng ngogledd-ddwyrain Massachusetts, Unol Daleithiau America, i Cape Cod. Mae'n cynnwys sawl bae llai, gan gynnwys Bae Nahant, rhwng Swampscott, Lynn, a Nahant, a'r nifer o gilfachau ar hyd arfordir Boston a'r cylch. Lleolir siroedd Essex, Suffolk, Norfolk, a Plymouth ar lannau Bae Massachusetts. Mae'n ffinio â baeau Plymouth a Cape Cod i'r de.
 | |
| Math | bae  |
|---|---|
| Daearyddiaeth | |
| Rhan o'r canlynol | Cefnfor yr Iwerydd |
| Gwlad |  Unol Daleithiau America |
| Cyfesurynnau | 42.375°N 70.7494°W |
 | |
Yma sefydlwyd Gwladfa Bae Massachusetts yn yr 17g. Llysenw Massachusetts yw "Talaith y Bae" (Saesneg: the Bay State) sydd yn tarddu o'r hen enw trefedigaethol.[1]
Boston yw un o'r prif borthladdoedd ar arfordir dwyreiniol yr Unol Daleithiau. Mae nifer o'r dinasoedd a threfi ar lannau Bae Massachusetts yn dibynnu'n economaidd ar dwristiaeth, pysgota, a gweithgareddau hamdden megis hwylio.
Cyfeiriadau
golygu- ↑ Thomas Benfield Harbottle, Dictionary of Historical Allusions (Llundain: Swan Sonnenschein & Co, 1903), t. 25.