Baner Bwrwndi
Mabwysiadwyd baner Bwrwndi ar ôl annibyniaeth y wlad o Wlad Belg ar 1 Gorffennaf 1962. Aeth drwy sawl diwyg ac erbyn hyn mae croes sawtyr wen yn rhannu'r llain yn barthau coch a gwyrdd. Mae canol y saltir yn ymuno i greu disg gwyn, gyda tair seren goch chwech pegwn wedi'i amlinellu mewn gwyrdd. Y gymhareb gyfredol yw 3: 5, a newidiwyd o 2: 3 tan 27 Medi 1982.[1]
Baner gyfredol Bwrwndi, cymesuredd 2:3Symboliaeth
golyguRhennir y faner yn bedair rhan gan groes sawtyr wen. Mae'r rhannau uchaf ac isaf yn lliw coch, tra bod y rhai chwith a'r dde yn lliw gwyrdd. Mae lliw gwyn y sawtyr yn cynrychioli heddwch, mae gwyrdd yn cynrychioli gobeithion y genedl a roddir ar ddatblygiad yn y dyfodol ac mae coch yn symboli dioddefaint y genedl yn ystod ei brwydr tuag at ryddid. [2] Mae'r tair seren mewn cyfluniad triongl yn sefyll ar gyfer y tri grŵp ethnig mawr o Burundi: y Hutu, y Twa a'r Tutsi.[2] Mae'r tair seren hefyd yn sefyll ar gyfer tair elfen yr arwyddair cenedlaethol: Unité, Travail, Progrès ("Undeb, Gwaith a Blaengarwch"), y gellir eu gweld ar arfbais Burundi.[3] Maent hefyd yn cynrychioli'r teyrngarwch mae dinasyddion y cenhedloedd wedi addo i'w Duw, y brenin a'r wlad.[2]
Hanes y faner
golyguPan oedd y frenhiniaeth yn dyfarnu dros Burundi roedd y faner yn cynnwys karyenda (drwm ag iddi grym dwyfol).[3] Credir y gellid deall negeseuon y drwm yn unig gan y mwami (rheolwyr) a oedd yn ei datgan cyfreithiau'r wladwriaeth. Yn dilyn diddymu'r frenhiniaeth ym mis Tachwedd 1966, tynnwyd y karyenda oddi ar faner a mabwysiadwyd baner newydd yn fuan wedyn. Disodlwyd y karyenda gan blanhigyn sorghum sy'n gynnyrch amaethyddol pwysig o'r wlad.[2]
Datblygiad Baner Bwrwndi
golygu-
Baner Bwrwndi rhwng 1 Gorffennaf 1962 a 28 Tachwedd 1966. -
Baner a ddefnyddiwyd rhwng 28 a 29 Tachwedd 1966 -
Y faner rhwng 29 Tachwedd 1966 a 28 Mawrth 1967 -
Y faner rhwng 28 Mawrth 1967 a 27 Medi 1982 -
Baner gyfredol Bwrwndi a fabwysiadwyd ar 27 Medi 1982. Mae ei gymesuredd ychydig yn wahanol i faner 1967
.svg)
.svg)
.svg)
.svg)
Cyfeiriadau
golygu- ↑ "Burundi flag". World Flags. Archifwyd o'r gwreiddiol ar 2020-04-18. Cyrchwyd 15 Medi 2014.
- ↑ 2.0 2.1 2.2 "flag of Burundi". Encyclopædia Britannica. Cyrchwyd 15 Medi 2014.
- ↑ 3.0 3.1 Guide to the Flags of the World by Mauro Talocci, revised and updated by Whitney Smith (ISBN 0-688-01141-1), p. 153.