Catrin Stevens

Awdures doreithiog ac yn addysgwraig ac awdurdod ar agweddau o draddodiadau a hanes Cymru yw Catrin Stevens.

Catrin Stevens
Dinasyddiaeth	Cymru
Galwedigaeth	hanesydd, llenor, golygydd

Ganwyd yn Llanon, Ceredigion, ac addysgwyd hi yn Ysgol Ramadeg Ardwyn a Phrifysgol Bangor. Wedi gweithio fel athrawes Cymraeg a hanes, roedd Catrin hefyd yn bennaeth adran hanes a hanes Cymru yng Ngholeg y Drindod, Caerfyrddin. Mae ei llyfrau am arferion caru Cymreig yn deillio o ymchwil Catrin i hen arferion Cymru yn Amgueddfa Werin Cymru Sain Ffagan. Mae Catrin bellach yn gweithio fel awdur llawrydd a'i phrif ddiddordeb yw dehongli hanes i ddarllenwyr o bob oed.

Cyhoeddodd cyfrolau yn y gyfres i blant, Hanes Atgas ynghyd â’r gyfrol Saesneg Inside Out: Telling the Story of Welsh.

Mae'n aelod gweithgar o Ferched y Wawr ac yn gyn olygydd cylchgrawn Y Wawr.

Mae’n briod a chanddi ddau o blant ac mae’n byw yng Nghasllwchwr ger Abertawe.

Cyfeiriadau

Eginyn erthygl sydd uchod am lenor neu awdur o Gymru. Gallwch helpu Wicipedia drwy ychwanegu ato.