Cyflafan München

Ymosodiad terfysgol yn erbyn tîm Olympaidd Israel oedd cyflafan München a gyflawnwyd gan y grŵp milwriaethus Palesteinaidd Medi Du yng Ngemau Olympaidd yr Haf 1972 ym München, Gorllewin yr Almaen. Ar 5 Medi, yn ystod ail wythnos y gemau, dygwyd cyrch ar y Pentref Olympaidd gan wyth o Balesteiniaid, gan ladd dau aelod o dîm Israel a chymryd naw arall yn wystlon. Wedi diwrnod o drafodaethau â'r heddlu, teithiodd y terfysgwyr gyda'r gwystlon i Faes Awyr Fürstenfeldbruck, ac yno lansiwyd cyrch aflwyddiannus i achub gwystlon. Saethwyd pump o'r terfysgwyr yn farw gan yr heddlu, ond cafodd pob un o'r gwystlon, yn ogystal â phlismon o Almaenwr, eu lladd cyn i'r frwydr ddod i ben.[1]

Cyflafan München
Llechen goffa ddwyieithog, yn Almaeneg ac Hebraeg, ger safle'r gyflafan yn Connollystraße 31, München.
Enghraifft o:llofruddiaeth dorfol, argyfwng gwystlon, ymosodiad terfysgol Edit this on Wikidata
DyddiadMedi 1972 Edit this on Wikidata
Lladdwyd12, 5 Edit this on Wikidata
Rhan oGemau Olympaidd yr Haf 1972, Gwrthdaro Israelaidd-Palesteinaidd Edit this on Wikidata
Dechreuwyd5 Medi 1972 Edit this on Wikidata
Daeth i ben6 Medi 1972 Edit this on Wikidata
LleoliadOlympic Village, Munich, Fürstenfeldbruck Air Base, München Edit this on Wikidata
Map
GwladwriaethGorllewin yr Almaen Edit this on Wikidata
Tudalen Comin Ffeiliau perthnasol ar Gomin Wicimedia

Cafodd y tri therfysgwr a oroesodd eu harestio, ond fe'u rhyddhawyd ar 29 Hydref 1972 wedi i gefnogwyr Medi Du awyrgipio Ehediad Lufthansa 615, a mynnu rhyddhau'r tri yn gyfnewid am beidio â ffrwydro'r awyren. Casglwyd y tri a'u cludo i loches yn Libia.

Ymatebodd Israel drwy lansio ymgyrch gudd gan Mossad i ganfod a lladd pob un o'r rhai a gyhuddwyd o gael rhan yn yr ymosodiad. Fodd bynnag, ni lwyddwyd i ladd Abu Daoud, y prif gynllwyniwr.

Cyfeiriadau

golygu
  1. (Saesneg) Munich massacre. Encyclopædia Britannica. Adalwyd ar 10 Ionawr 2025.