Dafydd Jones o Gaeo

Bardd ac emynydd Cymraeg oedd Dafydd Jones (1711 – 30 Awst 1777), sef Dafydd Jones o Gaeo.

Dafydd Jones o Gaeo
Ganwyd	1711  Caeo
Bu farw	30 Awst 1777  Llanwrda
Dinasyddiaeth	Cymru
Galwedigaeth	bardd

Yn enedigol o Gwmgogerddan, Caeo, Sir Gaerfyrddin, roedd yn borthmon wrth ei alwedigaeth. Hoffai farddoni yn null y beirdd gwlad cyn cael troedigaeth yng nghapel Troed-rhiw-dalar ar ei ffordd adref, a dod yn Gristion argyhoedddig. Cynhwysodd William Williams Pantycelyn un o'i emynau yn ei gyfrol Aleluia (1747). Trosodd nifer o salmau'r emynydd Seisnig Isaac Watts i'r Gymraeg a chyhoeddodd dair cyfrol o'i emynau ei hun yn ogystal. Fe'i claddwyd yng Nghrug-y-bar.

Ymhlith yr emynau o'i waith a genir heddiw mae: Pererin wy'n y byd, Wele cawsom y Meseia ac O Arglwydd galw eto.

Llyfryddiaeth

Gweithiau

• Salmau Dafydd (1753). Trosiadau o waith Watts.
• Caniadau Dwyfol (1771). Eto.
• Hymnau a Chaniadau Ysprydol (1775). Eto.
• Difyrrwch i'r Pererinion (3 cyfrol, 1763, 1764, 1770)

Astudiaethau

• Gomer M. Roberts, Dafydd Jones o Gaeao (1948)
• Bobi Jones (gol.), Pedwar Emynydd (1970).

Gweler hefyd

• Rhestr awduron Cymraeg (1600–heddiw)
• Rhestr o emynwyr Cymraeg

Eginyn erthygl sydd uchod am lenor neu awdur o Gymru. Gallwch helpu Wicipedia drwy ychwanegu ato.