Eric Ngalle Charles
Llenor, bardd a dramodydd yw Eric Ngalle Charles (ganwyd 1979/1980). Mae'n enedigol o bentref Wovilla yn Buea, Camerŵn, ac wedi byw yng Nghymru ers iddo deithio yno fel ffoadur ym mis Gorffennaf 1999.[1] Roedd yn cael ei adnabod fel Mosre Mo Ngwa ('Ci y Wawr') ar ôl ei daid ar ochr ei fam tan iddo gael ei fedyddio yn 1980.[2]
| Eric Ngalle Charles | |
|---|---|
.jpg) | |
| Ganwyd | 1979  Camerŵn |
| Dinasyddiaeth |  Cymru |
| Galwedigaeth | llenor, bardd, dramodydd |
Mae Charles ar Fwrdd Cyfarwyddwyr Llenyddiaeth Cymru ac mae wedi'i enwi yn un o'r 'Hay 30' - 30 o bobl ifanc a fydd yn helpu i siapio'r byd yn y tri degawd nesaf. Mae wedi derbyn Gwobr Cymru Greadigol gan Gyngor Celfyddydau Cymru am ei waith ymchwil ar ymfudo, y cof a thrawma, ac mae wedi'i enwi gan Jackie Kay fel un o 10 awdur BAME gorau y Deyrnas Gyfunol. Ers ysgrifennu ei ddrama gyntaf My Mouth Brought Me Here, mae ei waith wedi'i berfformio yng Ngwyl y Gelli, Gwyl Llandeilo a'r London Southbank Centre.[3][4] Mae ei ffilm fer Eric Ngalle: This is not a Poem wedi teithio trwy wledydd Prydain a chyhoeddwyd ei hunangofiant I, Eric Ngalle: One Man's Journey Crossing Continents from Africa to Europe yn 2019.
Cyfeiriadau
golygu- ↑ "Brilliant, Black and Welsh - Wales Online". Cyrchwyd Gorffennaf 22, 2020.
- ↑ "Gwefan Platforma". Cyrchwyd Gorffennaf 22, 2020.
- ↑ "Eric Ngalle Charles - Opera Cenedlaethol Cymru". Cyrchwyd Gorffennaf 22, 2020.
- ↑ "Eric Ngalle Charles - The National Centre for Writing". Cyrchwyd Gorffennaf 22, 2020.