Flags of the World (gwefan)

Mae Flags of the World, a adnebir hefyd gan ei llythrenw FOTW, yn rwydwaith banereg sy'n weithredol ar y Rhyngrwyd. Mae wedi bod yn aelod o Ffederasiwn Rhyngwladol y Cymdeithasau Baneregol ers 2001. Mae'n cynnal gwefan sy'n ymroddedig i fanereg, y mwyaf helaeth ar y pwnc hwn ar y rhyngrwyd, a rhestr e-bost gysylltiedig lle gall aelodau'n anfon eu cydweithrediadau.

Flags of the World

Enghraifft o'r canlynol	sefydliad, gwefan
Dechrau/Sefydlu	1993
Aelod o'r  canlynol	International Federation of Vexillological Associations
Gwefan	https://www.fotw.info/flags/index.html
Ffeiliau perthnasol ar Gomin Wicimedia

Cefndir

Ffurfiwyd FOTW ym 1993 fel grŵp trafod gan Giuseppe Bottasini, peiriannydd Eidalaidd oedd â diddordeb mawr yn hanes a datblygiad baneri. Y flwyddyn ganlynol sefydlwyd y wefan ei hun. Ym 1998, cymerwyd yr awenau gan Rob Raeside fel cyfarwyddwr. Yn fwy diweddar, creodd Edward Mooney Jr. grŵp Facebook cysylltiedig, oedd â mwy na 15,200 o aelodau ym mis Medi 2024.

Cennad y Rhwydwaith

palet lliw FOTW

Gwefan FOTW yw prif gyrriant y mudiad. Mae mynediad am ddim iddo. Mae'r wefan yn casglu baneri cyfredol ac haneyddol gwledydd neu diriogaethau, dinasoedd a sefydliadau eraill, gan ddangos y dyluniadau ac, fel rheol, peth o hanes a chefndir y baneri. Byddant yn casglu gwybodaeth am eu tarddiad, defnydd, fersiynau, symbolaeth, ac ati. Mae hefyd yn cynnwys geiriadur baneriaeth. O fis Medi 2024, bu'r porth yn cynnwys dros 84,000 tudalen a 198,000 o ddelweddau baneri. Mae'r cynrychioliadau graffig mewn fformat GIF, gyda phalet wedi'i gyfyngu i 32 lliw.

Gweinyddu

Saesneg yw'r iaith a ddefnyddir; mae deunyddiau a gyfrannir gan aelodau mewn ieithoedd eraill yn cael eu cyfieithu gan y golygyddion. Mae cyfran nodedig o gyfranwyr mewn Portiwgaleg, Ffrangeg, Iseldireg a Rwsieg.

Sefydliad di-elw yw Flags of the World. Rheolir y porth a'r rhestr bostio gan wirfoddolwyr, a ceir 21 o olygyddion y wefan a Rhestrfeistr gyda dau gynorthwyydd ar gyfer y rhestr bostio.

Cynlluniwyd baner 'Flags of the World' gan Mark Sensen ac fe'i dewiswyd gan bleidlais o aelodau'r rhestr. Fe'i mabwysiadwyd ar 8 Mawrth 1996. Mae ei symbolaeth, yn ôl Sensen, fel a ganlyn: mae gwyn yn symbol o heddwch a glas yn cynrychioli cynnydd. Y chwe seren yw'r lliwiau a ddefnyddir fwyaf mewn baneri ac mae eu trefniant cymharol yn cynrychioli'r rhyngrwyd.

Oriel o Faneri FOTW

• 
  baner FOTW yn cyhwfan yn fertigol
• 
  Cynnig ar gyfer 'burgee' gan Ivan Sache
• 
  baner dathlu 20 mlwyddiant 20th FOTW
• 
  baner cyfarwyddwr cyfredol FOTW
• 
  baner cydlynydd allweddair FOTW
• 
  baner golygydd mapiau FOTW map

Dolenni allanol

• Gwefan Flags of thw World
• @FalagsoftheWorld Tudalen ar Facebook