Gangakondacholapuram
Teml anferth yng nghanolbarth talaith Tamil Nadu yn ne-ddwyrain India ydyw Gangakondacholapuram. Fe'i lleolir yn ymyl y pentref bach diarffordd o'r un enw tua 25 milltir i'r gogledd o dref Kumbakonam.
 | |
| Math | village in India  |
|---|---|
| Daearyddiaeth | |
| Sir | ardal Thanjavur |
| Gwlad |  India |
| Cyfesurynnau | 11.20524°N 79.45278°E |
 | |
Mae gopuramau (math o dyrau o siâp pyramidaidd) mawr y deml yn dominyddu'r tirwedd am filltiroedd o gwmpas. Codwyd Gangakondacholapuram gan yr ymerodr Chola Rajendra I (1012 - 1044) yn arddull Teml Brihadishwara (gwaith ei dad) yn Thanjavur, hefyd yn Tamil Nadu.
Addurnir muriau a llannau'r deml gan gerfluniau hardd niferus. Yno hefyd y gwelir tanc (cronfa dŵr arbennig) anferth. I'r tanc hwnnw bu brenhinoedd oedd yn ddeiliaid i'r ymerodr yn dod â phiserau o ddŵr o Afon Ganges a'i gwagio yno. Dyna sy'n rhoi i'r deml ei henw iaith Tamil, Gangakondacholapuram, sy'n golygu "Teml Chola Offrymau Dŵr Ganges".
