John Barlow (m. 1718)

John Barlow
John Barlow
Bu farw	30 Ionawr 1718 (yn y Calendr Iwliaidd)
Dinasyddiaeth	Teyrnas Prydain Fawr
Galwedigaeth	gwleidydd
Swydd	Aelod o 5ed Senedd Prydain Fawr

Roedd John Barlow (bu farw 30 Ionawr 1718) yn wleidydd o Gymru a wasanaethodd fel Aelod Seneddol etholaeth Hwlffordd rhwng 1715 a 1718 ^[1]

Bywyd Personol

Roedd yn fab i John Barlow, Lawrenny, Sir Benfro a Dorothy merch ac etifedd Thomas Barlow, Hwlffordd

Priododd Anne ferch Syr Hugh Owen 2il Farwnig ac AS Bwrdeistrefi a Sir Benfro rhwng 1678 a 1695. Bu iddynt saith mab a dwy ferch

Gyrfa

Etifeddodd ystâd Lawrenny ar farwolaeth ei dad yn 1701

Gwasanaethodd fel Uchel Siryf Sir Benfro ym 1705

Gyrfa wleidyddol

Safodd yn erbyn ei gefnder (gweler y nodyn isod) Syr George Barlow, Slebets, mewn isetholiad ym Mai 1715 yn dilyn marwolaeth John Laugharne, George fu'n fuddugol ond cyflwynodd John ddeiseb yn erbyn y canlyniad i'r Senedd gan honni bod George wedi derbyn pleidleisiau gan bobl oedd yn derbyn cardod gan y plwyf, pobl oedd heb yr etholfraint. Llwyddodd y ddeiseb, ddiddymwyd etholiad George a rhoddwyd y sedd i John.

Dim ond unwaith bu i John Barlow pleidleisio yn y Senedd, gan gefnogi'r llywodraeth ar ddeddf i ehangu eisteddiadau seneddol o 3 i 7 mlynedd. Wedi pasio'r ddeddf caniatawyd i'r Senedd a etholwyd ym 1715 eistedd hyd 1722 yn hytrach na 1718 ond ni fu'r ehangiad o fudd i John gan iddo farw ym 1718.

nodyn

Mae rhai ffynonellau (er enghraifft The Parliamentary History of the Principality of Wales gan W R Williams)^[2] yn awgrymu bod John Barlow a Syr George Barlow yn frodyr. Camgymeriad a achoswyd gan aelodau o'r un teulu yn ailddefnyddio'r un enwau bedydd tro ar ôl tro. Roedd Syr George Barlow yn frawd i John Barlow AS Sir Benfro 1710-1715, ond nid y John Barlow uchod^[3]

Cyfeiriadau

↑ BARLOW, John (d.1718), of Lawrenny, Pemb. Published in The History of Parliament: the House of Commons 1715-1754, ed. R. Sedgwick, 1970
↑ The Parliamentary History of the Principality of Wales gan W. R. Williams
↑ BARLOW, John (c.1682-1739), of Colby, Wiston, Pemb., The History of Parliament: the House of Commons 1690-1715, gol. D. Hayton, E. Cruickshanks, S. Handley (2002)

Senedd Prydain Fawr
Rhagflaenydd: George Barlow	Aelod Seneddol Hwlffordd 1715 – 1718	Olynydd: Syr John Philipps

[1] BARLOW, John (d.1718), of Lawrenny, Pemb. Published in The History of Parliament: the House of Commons 1715-1754, ed. R. Sedgwick, 1970

[2] The Parliamentary History of the Principality of Wales gan W. R. Williams

[3] BARLOW, John (c.1682-1739), of Colby, Wiston, Pemb., The History of Parliament: the House of Commons 1690-1715, gol. D. Hayton, E. Cruickshanks, S. Handley (2002)

[1]

[2]

[3]