John Kenneth Galbraith
Economegydd o Ganada a dreuliodd ei yrfa yn academydd a swyddog llywodraethol yn Unol Daleithiau America oedd John Kenneth Galbraith OC (15 Hydref 1908 – 29 Ebrill 2006) neu Ken Galbraith. Roedd yn awdur toreithiog, yn ddeallusyn adnabyddus ac yn rhyddfrydwr pybyr. O ran ei economeg, fe arddelai ôl-Keynesiaeth o safbwynt sefydliadol a dadleuodd o blaid mwy o wariant cyhoeddus.
| John Kenneth Galbraith | |
|---|---|
 | |
| Ganwyd | 15 Hydref 1908  Iona Station |
| Bu farw | 29 Ebrill 2006 Cambridge |
| Dinasyddiaeth | Canada, Unol Daleithiau America |
| Alma mater |
|
| ymgynghorydd y doethor |
|
| Galwedigaeth | economegydd, diplomydd, gwleidydd, academydd, awdur ffeithiol, ysgrifennwr, llysgennad |
| Swydd | United States Ambassador to India |
| Cyflogwr |
|
| Adnabyddus am | History of Economics: The Past as the Present |
| Plaid Wleidyddol | plaid Ddemocrataidd |
| Mudiad | institutional economics, Keynesian economics |
| Priod | Catherine Galbraith |
| Plant | Peter W. Galbraith, James K. Galbraith |
| Gwobr/au | Cymrodoriaeth Guggenheim, The Hillman Prize for Book Journalism, Doethur er Anrhydedd ym Mhrifysgol Gatholig Leuven, Q126416245, dyneiddiwr, Medal Aur Lomonosov, Gwobr Lysenko, Medal Rhyddid yr Arlywydd, Chwedl Fyw Llyfrgell y Gyngres, Gwobr Leontief am Hyrwyddo Meddylfryd Economaidd, Swyddog Urdd Canada, Gwobr Pedwar Rhyddid - Rhyddid rhag Eisiau, dinasyddiaeth anrhydeddus, Padma Vibhushan mewn Llenyddiaeth ac Addysg, Cymrawd Nodedig Cymdeithas Economaidd America, Padma Bhushan |
Ganwyd yn Iona Station, pentrefan yn Ontario, a chafodd ei fagu ar fferm. Astudiodd gyrsiau amaeth yng Ngholeg Amaethyddol Ontario (Prifysgol Toronto) cyn iddo ennill ei radd meistr a'i ddoethuriaeth ar bwnc economeg amaethyddol o Brifysgol Califfornia, Berkeley. Addysgodd fyfyrwyr fel tiwtor ym Mhrifysgol Harvard (1934–39) a dirprwy athro yn Princeton (1939–42).[1] Daeth yn ddinesydd Americanaidd yn 1937, ond cafodd ei wrthod o'r fyddin yn ystod yr Ail Ryfel Byd am iddo fod yn rhy dal.[2] Bu'n olygydd y cylchgrawn Fortune o 1943 i 1948 cyn iddo ddychwelyd i Harvard i gymryd swydd athro economeg am weddill ei yrfa academaidd. Cafodd ei benodi'n athro emeritws yno yn 1975.
Gwasanaethodd yng ngweinyddiaethau Democrataidd yr Arlywyddion Roosevelt, Truman, Kennedy, a Johnson. Roedd yn llysgennad UDA i India o 1961 i 1963, ac yn un o gynllunwyr rhaglen les "y Gymdeithas Fawr". Ymhlith ei lyfrau mae American Capitalism (1952), The Great Crash, 1929 (1955), The Affluent Society (1958), a The New Industrial State (1967), a The Anatomy of Power (1983).
Cyfeiriadau
golygu- ↑ (Saesneg) "Professor J. K. Galbraith[dolen farw]", The Independent (30 Ebrill 2006). Adalwyd ar 29 Mai 2018.
- ↑ (Saesneg) Holcomb B. Noble a Douglas Martin, "John Kenneth Galbraith, 97, Dies; Economist Held a Mirror to Society", The New York Times (30 Ebrill 2006). Adalwyd ar 29 Mai 2018.