John Morgan (Aberconwy)

John Morgan
John Morgan
Ganwyd	1662
Bu farw	14 Medi 1701
Dinasyddiaeth	Teyrnas Lloegr
Alma mater	Prifysgol Rhydychen ;
Galwedigaeth	gweinidog yr Efengyl, bardd

Clerigwr Anglicanaidd ac awdur Cymreig oedd John Morgan (1662 – 14 Medi 1701), y cyfeirir ato gan amlaf fel "John Morgan, Ficer Aberconwy".^[1]

Gyrfa

Ychydig iawn a wyddys am fywyd yr awdur. Daeth yn Ficer Aberconwy (sef plwyf a thref Conwy, Sir Conwy) yn rhan olaf yr 17g.

Fel llenor, cyfieithodd waith crefyddol Saesneg a'i gyhoeddi fel Eglurhad byrr ar Gatechism yr Eglwys (1699). Ysgrifennodd waith gwreiddiol hefyd, sef Bloedd-nad Ofnadwy yr Udcorn Diweddaf, a gyhoeddwyd yn 1704 ar ôl ei farwolaeth. Mae'r gwaith hwnnw yn cynnwys pregeth, adran o gerddi Cymraeg, ac adran i ddysgu Cymry anllythrennog sut i ddarllen Cymraeg, sef "Hyfforddiad i'r anllythrennog i ddysgu darllen Cymraeg."^[2]

Llyfryddiaeth

Eglurhad byrr ar Gatechism yr Eglwys (1699)
Bloedd-nad Ofnadwy yr Udcorn Diweddaf (1704)

Cyfeiriadau

↑ Thomas Parry, Hanes Llenyddiaeth Gymraeg hyd 1900 (Gwasg Prifysgol Cymru, 1944).
↑ Charles Ashton, Hanes Llenyddiaeth Gymreig o 1651 hyd 1850 (Lerpwl, 1893).

[1] Thomas Parry, Hanes Llenyddiaeth Gymraeg hyd 1900 (Gwasg Prifysgol Cymru, 1944).

[2] Charles Ashton, Hanes Llenyddiaeth Gymreig o 1651 hyd 1850 (Lerpwl, 1893).

[1]

[2]