Keffiyeh
Penwisg Arabaidd draddodiadol i ddynion ar ffurf math o sgarff, o gotwm fel rheol, a wisgir wedi'i phlygu mewn sawl ffordd o gwmpas y pen neu dros yr ysgwyddau yw'r keffiyeh neu kafiyah (Arabeg: كوفية, kūfiyyah, lluosog كوفيات, kūfiyyāt). Mae enwau eraill arni yn cynnwys (ya)shmagh (o'r gair Twrceg, yaşmak "peth clymiedig"), ghutrah (غترة), ḥaṭṭah (حطّة) a mashadah (مشدة). Mae dynion yn arfer ei gwisgo ar draws y Dwyrain Canol, ond fe'i cysylltir yn bennaf â'r Palesteiniaid, yn arbennig y fersiwn patrwm du a gwyn, ac mae wedi dod yn symbol o ymgyrch y Palesteiniaid i adennill eu tir ac o genedlaetholdeb Arabaidd yn gyffredinol.
Roedd penwisgo keffiyeh coch a gwyn trawiadol, a seiliwyd ar benwig Bedwin yr Hejaz, yn rhan o ffurfwisg y Lleng Arabaidd Gwlad Iorddonen a bellach byddin teyrnas yr Iorddonen.
