Lloyd Hughes ("Spud")
Dyfeisiwr sigaréts menthol oedd Lloyd Hughes (neu "Spud" i'w ffrindiau), o Mingo Junction, Ohio a wnaeth y sigarét cyntaf o'r math hwn yn 1924,[1]. Ffurfiodd gwmni o'r enw 'The Spud Cigarette Corporation' gan werthu ei sigarennau am 20c am baced o ugain, o ddrws i ddrws. Yna, yn 1927 prynwyd yr hawl i greu sigarets menthol gan y cwmni Axton-Fisher Tobacco Company.[2]
| Lloyd Hughes | |
|---|---|
| Ganwyd | Mingo Junction  |
| Dinasyddiaeth |  Cymru  UDA |
| Galwedigaeth | dyfeisiwr |
| Cysylltir gyda | menthol |
Dywedir i Hughes storio'i sigaréts mewn tun gyda chrisialau menthol a ddefnyddid ganddo i leddfu symptomau ei annwyd a'i asma. Llwyddodd y tybaco i amsugno blas y mintys a gwneud y sigaréts yn haws i'w ysmygu. Dechreuodd Hughes werthu sigaréts menthol, ac erbyn 1932 ei frand 'Spud' oedd y pumed sigarét a werthodd orau drwy Unol Daleithiau America.[3]
Yn 2020 roedd chwarter y sigaréts a werthwyd drwy UDA yn rhai blas menthol. Dengys ymchwil diweddar ei bod yn anos roi'r gorau i ysmygu sigaréts menthol na rhai cyffredin.
Cyfeiriadau
golygu- ↑ "Process of Treating Cigarette Tobacco". United States Patent Office.
- ↑ Annual Report of the Commissioner of Patents gan United States. Patent Office; adalwyd 20 Mai 2020.
- ↑ slate.com; Cyhoeddwyd yr adroddiad gwreiddiol yn y new Scientist; adalwyd 20 Mai 2020.
