Llyfr Mormon
Llyfr sanctaidd mudiad yr Eglwys Iesu Grist Saint y Dyddiau Diwethaf sy'n cynnwys dysgeidiaethau proffwydai hynafol a drigai ar gyfandir America rhwng tua 2200CC i 421 AD ydy Llyfr Mormon. Fe'i cyhoeddwyd yn wreiddiol ym Mawrth 1830 gan Joseph Smith fel "Y Llyfr Mormon: Cofnod a Ysgrifennwyd trwy Law Mormon ar Blatiau a Gymrwyd o Blatiau Nephi."
Yn ôl cofnod Smith a naratif y llyfr, ysgrifennwyd y Llyfr Mormon yn wreiddiol mewn llythrennau anhysbys a gyfeiriwyd atynt fel "Eiffteg diwygiedig" ar blatiau euraidd. Dywedodd Smith fod y proffwyd olaf a gyfrannodd i'r llyfr, gwr o'r enw Moroni, wedi ei gladdu ar fryn lle mae Dinas Efrog Newydd y dyddiau hyn. Dywedodd ei fod wedi dychwelyd i'r ddaear fel angel yn 1827, gan ddatgelu lleoliad y llyfr i Smith, a'i gyfarwyddo i'w gyfieithu i'r Saesneg er mwyn medru ei ddefnyddio yng ngwir eglwys Crist yn y dyddiau diwethaf. Honna beirniaid ei fod wedi cael ei ffugio gan Smith, a oedd wedi cymryd syniadau a deunyddiau o weithiau'r 19g yn hytrach na chyfieithu o gofnod hynafol.
Mae gan Lyfr Mormon nifer o drafodaethau athrawiaethol a gwreiddiol ar bynciau megis cwymp Adda ac Efa, natur wneud iawn am bechod, eschatoleg, iechydwriaeth o farwolaeth gorfforol ac ysbrydol, a threfniant yr eglwys dyddiau diwethaf. Digwyddiad canolog i'r llyfr yw ymddangosiad Iesu Grist yn yr Americas ychydig wedi ei atgyfodiad.
Dolenni allanol golygu
