Lucius Cornelius Cinna

Gwleidydd Rhufeinig oedd Lucius Cornelius Cinna (bu farw 84 CC).

Lucius Cornelius Cinna
Ganwyd 135 CC Edit this on Wikidata
Rhufain Edit this on Wikidata
Bu farw 84 CC Edit this on Wikidata (Gweithredydd < annisgwyl oed)
Achos: Strôc Edit this on Wikidata
Ancona Edit this on Wikidata
Dinasyddiaeth Rhufain hynafol Edit this on Wikidata
Galwedigaeth Ancient Roman politician, Ancient Roman military personnel Edit this on Wikidata
Swydd seneddwr Rhufeinig, Conswl Rhufeinig Edit this on Wikidata
Plaid Wleidyddol populares Edit this on Wikidata
Tad Lucius Cornelius Cinna Edit this on Wikidata
Priod Annia Edit this on Wikidata
Plant Lucius Cornelius Cinna, Cornelia, Cornelia the Elder Edit this on Wikidata

Roedd Cinna yn aelod o deulu dylanwadol Cinna, o'r gens Cornelii. Gwasanaethodd yn y rhyfel yn erbyn y Marsi fel legad paretoraidd. Etholwyd ef yn gonswl am y tro cyntaf yn 87 CC, a bu'n gonswl bedair gwaith yn olynol.

Fel conswl, roedd wedi mynd ar ei lŵ i Lucius Cornelius Sulla na fyddai'n ceisio gwrthdroi'r llywodraeth. Fodd bynnag, wedi i Sulla ymadael am y dwyrain i ymladd yn erbyn Mithridates VI, brenin Pontus, casglodd Cinna fyddin o gefnogwyr Gaius Marius a chipio grym yn Rhufain. Galluogodd hyn Marius ei hun, oedd wedi gorfod ffoi i Ogledd Affrica, i ddychwelyd i Rufain gyda byddin.

Dechreuodd Marius a Cinna ddial ar gefnogwyr Sulla, ond fis ar ôl dychwelyd i Rufain bu farw Marius. Yn 84 CC roedd Cinna yn paratoi i adael am Liburnia, Illyricum, gyda byddin i ymladd yn erbyn Sulla pan wrthryfelodd ei filwyr a'i lofruddio.

Priododd ei ferch ieuengaf, Cornelia, a Iŵl Cesar, a bu iddynt ferch, Julia. Daeth ei fab, hefyd o'r enw Lucius Cornelius Cinna, yn braetor, a phan lofruddiwyd Cesar yn 44 CC ochrodd gyda'i lofruddion.