Peiriant gwnïo
Peiriant tecstilau yw peiriant gwnïo, a ddefnyddir i bwytho defnydd gydag edau. Dyfeiswyd peiriannau gwnïo yn ystod y Chwyldro Diwydiannol er mwyn lleihau faint o lafur oedd ei angen er mwyn creu dillad. Y Sais Thomas Saint a ddyfeisiodd y peiriant ym 1790, a chofrestrwyd ei phatent ar 17 Gorffennaf y flwyddyn honno (1790.[1] Mae'r peiriant gwnïo wedi cynyddu cynhyrchiant ac effeithlonrwydd y diwydiant dillad a thecstilau yn aruthol o'i gymharu â gwnïo â llaw.
 | |
| Math | offeryn ar gyfer y cartref  |
|---|---|
| Deunydd | dur |
| Dyddiad darganfod | 1790 |
 Ffeiliau perthnasol ar Gomin Wicimedia | |
Cynlluniwyd peiriant gwnïo'r cartref ar gyfer un person i wnïo eitemau unigol, gydag un pwyth ar y tro. Mae peiriannau masnachol yn llawer mwy, yn gynt, ond yn llawer mwy costus - ond mwy cost-effeithiol. Yn sydyn, lleihaodd yr amser a gymerwyd i wneud set o ddillad; gyda llaw, roedd yn cymryd 10 awr i wneud gwisg i ferch.[2] Gyda pheiriant, cymerodd awr yn unig.[2] Golygai hyn fod gan wraig y tŷ amser hamdden ac amser y gallai weithio am gyflog. Roedd yr effaith o gael peiriannau enfawr masnachol ar ddiwydiant hefyd yn enfawr. Roedd y peiriannau'n anferthol, a thyfodd nifer o ffatrioedd yn arbennig i'w cynnal. A gan fod llawer mwy o ddillad yn cael eu gwneud, a llai o gyflog i'w dalu, syrthiodd pris dillad.[3]
Sgil effaith y datblygiad hwn oedd y plannwyd llawer mwy o gotwm, gan fod ei angen ar gyfer gwneud y dillad, ac yn sgil hynny, cododd yr angen am fetal i greu'r peiriannau a'r ffatrioedd, a theithiau llongau i allforio'r cynnyrch.
Cyfeiriadau
golygu- ↑ (Saesneg) A brief history of the sewing machine. ISMACS International.
- ↑ 2.0 2.1 "Sewing Machine". Archifwyd o'r gwreiddiol ar 2008-01-09. Cyrchwyd 2016-07-17.
- ↑ 19th Century Fashion and the Sewing Machine
Oriel
golygu-
Peiriant Thomas Saints sy'n defnyddio pwyth gadwen, a ddyfeisiwyd ar gyfer pwytho lledr (1790) -
Pwyth-gadwen clo-dwbwl (double locking chain stitch) -
Peiriant pwyth-clo Elias Howe, a ddyfeiswyd ym 1845 -
Peiriant William Jones a'i deulu a fu'n creu peiriannau yn Ashton-under-Lyne (tua 1935) -
Pwyth-clo, gyda'r wennol oddi tano -
Pwyth clo, gyda bachyn-tro; dyfeisiwyd gan Allen B. Wilson
