Roedd Robert Riddles CBE, MIMechE, MinstLE (23 Mai 189218 Mehefin 1983) yn beiriannydd, yn cynllunio locomotifau stêm.

Robert Riddles
Ganwyd23 Mai 1892 Edit this on Wikidata
Bu farw18 Mehefin 1983 Edit this on Wikidata
Galwedigaethpeiriannydd Edit this on Wikidata

Ganwyd Riddles ar 23 Mai 1892. Roedd o’n brentis gyda Rheilffordd Llundain a’r Gogledd Orllewin o 1909 ac wedi mynychu cwrs perianwaith trydanol, yn credu buasai pŵer trydanol yn bwysig yn y dyfodol. Ymunodd â’r Peirianyddion Brenhinol yn ystod y Rhyfel Byd Cyntaf, yn bennaf yn Ffrainc. Aeth yn ôl i Reilffordd Llundain a’r Gogledd Orllewin ym 1919. Roedd o’n gyfrifol am aildrefnu gweithdai Cryw a Derby rhwng 1925-30, ac oedd yn gynorthwy-ydd i Syr William A Stanier FRS o 1933 ymlaen. Roedd o’n yrrwr trên yn ystod y Streic Cyffredinol ym 1926[1]. Roedd o’n bennaeth y Bwrdd Cyfarwyddwr Cyfarpar Trafnidiaeth yn ystod yr Ail Ryfel Byd a chynlluniodd 3 locomotif ‘Darbodaeth’: y Dosbarth J69 0-6-0ST, Dosbarth Darbodaeth 2-8-0 a Dosbarth Darbodaeth 2-10-0. Roeddent yn hawdd ac yn rhad i’w hadeiladu a chynnal, gyda’r gallu i ddefnyddio glo israddol. Defnyddiwyd y tri dros Brydain ac Ewrop yn llwyddiannus, a defnyddiwyd yr 0-6-0ST a 2-8-0 (erbyn hyn Dosbarth O7 2-8-) yn ystod ac wedi’r rhyfel gan Reilffordd Llundain a’r Gogledd Ddwyrain. Daeth o’n is-lywydd Rheilffordd Llundain a’r Gogledd Orllewin, ac wedyn daeth yn Beirianydd Mecanyddol i’r Rheilffordd Brydeinig ym 1947 ar ôl gwladoli. Rhagwelodd drydaneiddio’r rheilffyrdd yn y tymor hir, ond cynlluniodd 12 dosbarth safonol o locomotifau ar gyfer y rhwydwaith gyfan. Fel ei locomotifau cynharach, roeddent yn hawdd ac yn rhad i’w hadeiladu a chynnal, gyda’r gallu i ddefnyddio glo israddol. Roedd y Dosbarth Safonol 9F Rheilffordd Brydeinig yn arbennig o lwyddiannus. Ymddiswyddodd ym 1953.[2]

Bu farw Riddles ar 18 Mehefin 1983.

Cyfeiriadau golygu