Mae'r Sahel (Arabeg: السـاحـل) yn rhanbarth daearyddol yn nwyrain Tiwnisia sy'n ymestyn o Gwlff Hammamet yn y gogledd i Gwlff Gabes yn y de. Weithiau cyfyngir y diriogaeth i'r ardal rhwng Gwlff Hammamet ac ardal Mahdia-El Jem i'r de. Daw ei henw o'r gair Arabeg sahel sy'n golygu "arfordir" neu "tir ar yr ymyl."

Sahel
Math Rhanbarth Edit this on Wikidata
Daearyddiaeth
Gwlad Baner Tiwnisia Tiwnisia
Mae hon yn erthygl am y rhanbarth yn Nhiwnisia : gweler hefyd Sahel.

Prif ddinasoedd a threfi'r Sahel yw Sousse (dinas fwyaf yr ardal), Monastir (un o'r trefi Arabaidd hynaf yn Ifriqiya) a Mahdia (hen brifddinas Tiwnisia yn amser y califf Fatimid Ubayd Allah al-Mahdi, a roes ei enw i'r ddinas).

Mae'n rhanbarth cyfoethog ei hanes, sydd wedi bod yn gartref i'r Ffeniciaid (sefydlwyr Hadrumete), y Carthaginiaid (ardal enedigol Hannibal), y Rhufeiniaid (adeiladwyr amffitheatr El Jem), y Bysantiaid a'r Fandaliaid a'r Arabiaid, ynghyd â'r bobl frodorol o dras Berber.

Dinasoedd a threfi'r SahelGolygu

 
Traeth Sousse