Samuel a Nathaniel Buck

Ysgythrwyr a gwneuthurwyr printiau oedd Samuel Buck (1696 – 17 Awst 1779) a'i frawd Nathaniel Buck (a fu farw 1759/1774). Maen nhw'n cael eu hadnabod yn arbennig am Buck's Antiquities, darluniau o hen gestyll a mynachlogydd. Bu Samuel yn gynhyrchiol iawn ar ei ben ei hun, ond pan oedden nhw'n cydweithio, roedden nhw'n cael eu hadnabod fel y Brodyr Buck.

Gyrfaoedd golygu

Ganwyd Samuel Buck yn Swydd Efrog yn 1696. Ar ôl cyhoeddi rhai printiau yn y sir honno, symudodd i Lundain. Dechreuodd Nathaniel ac yntau weithio ar yr "antiquities", a oedd yn cynnwys darluniau o hen gestyll ac adeiladau crefyddol yn Lloegr a Chymru. Gan ddechrau yn 1724, teithiodd y brodyr trwy'r ddwy wlad, a chwblhau setiau o brintiau ar gyfer rhanbarthau Lloegr erbyn 1738 a Chymru rhwng 1739 ac 1742. Mae rhain yn cael eu hadnabod fel Buck's Antiquities. Yn ystod y cyfnod hwn buont yn gweithio hefyd ar gyfres o drefluniau yn Lloegr a Chymru o dan y pennawd Cities, Sea-ports and Capital Towns.^[1]

Marwolaethau a chladdedigaethau golygu

Nathaniel oedd y cyntaf i farw, rhywbryd rhwng 1759 a 1774. Bu farw Samuel ar 17 Awst 1779 yn Llundain ac fe'i claddwyd ym mynwent eglwys St. Clement Danes. Treuliodd Samuel flynyddoedd diweddar ei oes mewn tlodi.

Oriel golygu

Castell Conwy
Castell Caernarfon
Castell Tretwr
Castell Rhuddlan
Castell Llansteffan
Castell Caergwrle

Cyfeiriadau golygu

↑ Hyde, Ralph (2004), "Buck, Samuel (1696–1779)", Oxford Dictionary of National Biography (Oxford University Press), http://www.oxforddnb.com/view/article/3850, adalwyd 30 March 2013 ((subscription or UK public library membership required))

[dnb-1] Hyde, Ralph (2004), "Buck, Samuel (1696–1779)", Oxford Dictionary of National Biography (Oxford University Press), http://www.oxforddnb.com/view/article/3850, adalwyd 30 March 2013 ((subscription or UK public library membership required))

[1]