Titus

Titus Flavius Vespasianus neu Titus (30 Rhagfyr 39 OC – 13 Medi 81 OC) oedd Ymerawdwr Rhufain o 24 Mehefin 79 OC hyd ei farwolaeth. Ganwyd Titus Flavius Vespasianus.

Titus
Ganwyd	30 Rhagfyr 0039  Rhufain
Bu farw	13 Medi 0081  Aquae Cutiliae
Dinasyddiaeth	Rhufain hynafol
Galwedigaeth	gwleidydd, person milwrol
Swydd	ymerawdwr Rhufain, seneddwr Rhufeinig, Praetorian prefect, Conswl Rhufeinig
Tad	Vespasian
Mam	Domitila'r Hynaf
Priod	Arrecina Tertulla, Marcia Furnilla
Partner	Berenice
Plant	Julia Flavia, Flavia
Llinach	Brenhinlin Flavia, Flavii Sabini

Titus oedd mab hynaf yr ymerawdwr Vespasian, a bu'n rhannu grym gydag ef am gyfnod. Ar farwolaeth ei dad daeth Titus yn ymerawdwr. Cyn i'w dad ddod yn ymerawdwr bu'n ymladd yn erbyn gwrthryfel yr Iddewon yn nhalaith Judea, a phan ddaeth Vespasian yn ymerawdwr a dychwelyd i Rufain gadawyd Titus i ddelio a'r gwrthryfel. Llwyddodd i gymeryd dinas Jerusalem ar ôl ei gwarachae am bum mis. Mae Bwa Titus yn Rhufain yn coffau ei fuddugoliaeth.

Yn ystod yr ymladd yn Judea syrthiodd Titus mewn cariad a Berenice, merch y brenin Herod Agripa I. Aeth a hi gydag ef i Rufain, ond oherwydd nad oedd poblogaeth Rhufain yn hapus ynglŷn â'r berthynas bu rhaid iddi roi'r gorau i'r syniad o'i phriodi. Eu perthynas yw thema'r ddrama "Titus a Berenice" gan Pierre Corneille a "Berenice" gan Jean Racine.

Daeth Titus yn boblogaidd iawn yn ystod ei deyrnasiad oherwydd ei haelioni. Ef oedd yn gyfrifol am orffen y gwaith ar y Colisewm, a gychwynwyd gan ei dad. Dilynwyd ef gan ei frawd Domitian.

• 

  Yr Amphitheatrum Flavium (y Colisewm)

• 

  Bwa Titus yn Rhufain

Rhagflaenydd: Vespasian

Ymerawdwr Rhufain 24 Mehefin 79 OC – 13 Medi 81 OC

Olynydd: Domitian