Y ffin rhwng Moldofa ac Wcráin
Mae'r ffin rhwng Moldofa ac Wcráin yn rhedeg 1,222 km (759 mi)—267 km (166 mi) ar hyd afonydd a 955 km (593 mi) ar y tir—o'r fan driphlyg ogleddol â Rwmania i'r fan driphlyg ddeheuol â Rwmania. Mae'n cysylltu â naill ochr y ffin rhwng Rwmania ac Wcráin, ac yn cyfateb i oror dwyreiniol Moldofa; mae'r wlad honno yn rhannu ei ffin orllewinol â Rwmania.
 Croesfan Mamalyha yn Oblast Chernivtsi, Wcráin, ger y ffin â Moldofa. | |
| Math | ffin, ffin ar dir, ffin rhyngwladol  |
|---|---|
| Daearyddiaeth | |
| Rhan o'r canlynol | borders of Moldova, State Border of Ukraine |
| Gwlad |  Moldofa  Wcráin |
| Cyfesurynnau | 48.26°N 26.63°E, 45.47°N 28.21°E |
| Hyd | 939 cilometr |
 | |
Yr unedau gweinyddol sydd ar hyd y ffin yw oblastau Chernivtsi a Vinnytsia yng ngorllewin Wcráin ac Oblast Odesa yn ne Wcráin, a dosbarthau Briceni, Ocnița, Dondușeni, Soroca, a Florești yng ngogledd Moldofa, dosbarthau Șoldănești, Rezina, Orhei, Dubăsari, Criuleni, ac Anenii Noi yng nghanolbarth Moldofa, a dosbarthau Căușeni, Ștefan Vodă, Cimișlia, Basarabeasca, Taraclia, a Cahul a thiriogaeth Gagauzia yn ne Moldofa.
Mae 454 km (282 mi) o'r ffin ryngwladol gydnabyddedig yn cyfateb i'r ffin de facto rhwng Wcráin a Transnistria, gweriniaeth dan feddiannaeth filwrol Ffederasiwn Rwsia sydd yn honni ei bod yn annibynnol ar Foldofa.