ColegauCymru
Mae ColegauCymru yn elusen addysg sy'n hyrwyddo budd cyhoeddus addysg bellach yng Nghymru. Mae'n gorff dielw a arweinir gan aelodau a sefydlwyd ym 1995 gan golegau Addysg Bellach (AB), i gynrychioli a hyrwyddo eu diddordebau ac addysg ôl-16. Mae pencadlys ColegauCymru yn Nhongwynlais ger Caerdydd.
| Enghraifft o'r canlynol | sefydliad elusennol  |
|---|---|
| Dechrau/Sefydlu | 1995 |
| Pencadlys | Tongwynlais |
Mae hefyd yn ymgynnull Fforwm Penaethiaid Addysg Bellach, sy’n cynrychioli buddiannau darparwyr addysg bellach.
Prif Weithredwr y corff yn 2023 oedd David Hagendyk a'r Cadeirydd oedd Guy Lacey o Goleg Gwent.[1]
Cennad golygu
Dywed cennad y corff eu bod yn credu fod gan bob dysgwr yr hawl i addysg o safon fyd-eang, a ddarperir mewn lleoliad diogel, amrywiol a chynhwysol ac o fewn sector sy'n cefnogi'r gymuned ehangach, cyflogwyr a'r economi.[2]
Mae'n bwriadu angos gwerth addysg bellach i'r holl ddysgwyr, y gymdeithas a'r economi.
Enw golygu
Er bod yr enw'n uniaith Gymraeg, mae'r corff yn gweithredu'n ddwyieithog ac yn darparu gwasanaeth ddwyieithog. Ysgrifennir enw'r corff fel un gair, 'ColegauCymru', ac nid fel 'Colegau Cymru'.
Aelodau golygu
Mae ColegauCymru'n cynnwys yr aelodau isod:[3]
- Coleg Ceredigion (sydd bellach yn rhan o Goleg Sir Gâr)
- Addysg Oedolion Cymru (Adult Learning Wales, uniad o'r hen Goleg Harlech a Chymdeithas Addysg y Gweithwyr)
- Coleg Penybont
- Coleg Cambria
- Coleg Caerdydd a'r Fro
- Coleg Sir Gâr
- Coleg y Cymoedd
- Coleg Merthyr Tudful
- Coleg Gŵyr Abertawe
- Grŵp Llandrillo Menai
- Coleg Gwent
- Grŵp Colegau NPTC
- Coleg Sir Benfro
- Coleg Catholig Dewi Sant (coleg chweched dosbarth Caerdydd)
- Coleg Cymraeg Cenedlaethol
Gwasanaethau Fforwm golygu
Mae Fforwm Services Ltd yn gwmni cyfyngedig preifat ac yn is-gwmni sy'n eiddo llwyr i Colegau Cymru. Mae'n blatfform ar gyfer cynnal gweithgareddau masnachol ac i ennill incwm su'n caniatau inni hwyluso digwyddiadau, hyfforddiant a chynadleddau yn benodol i'r sector.[4]
Cyfeiriadau golygu
- ↑ "Staff". Gwefan ColegauCymru. Cyrchwyd 22 Mai 2023.
- ↑ "Pwy Ydym Ni". gwefan Colegau Cymru. Cyrchwyd 22 Mai 2023.
- ↑ "Aelodau". Gwefan ColegauCymru. Cyrchwyd 22 Mai 2023.
- ↑ "Pwy Ydym Ni". gwefan Colegau Cymru. Cyrchwyd 22 Mai 2023.
Dolenni allanol golygu
- Gwefan ColegauCymru (Cymraeg)
- @ColegauCymru ar Twitter