Corfflu'r Ysgol Fân-Arfau
Corfflu yn y Fyddin Brydeinig yw Corfflu'r Ysgol Fân-Arfau (Saesneg: Small Arms School Corps) sy'n yn gyfrifol am hyfforddi hyfforddwyr mân-arfau, paratoi cyrsiau, dewis rheolwyr meysydd tanio, profi drylliau newydd, a chynghori swyddogion y staff ar sgiliau arfau. Mae 1 ym mhob 5 o aelodau'r Corfflu yn swyddogion, a ddyrchafir o fewn yr uned.[1]
 | |
| Enghraifft o'r canlynol | uned filwrol  |
|---|---|
| Dechrau/Sefydlu | 1853 |
| Gwefan | https://www.army.mod.uk/who-we-are/corps-regiments-and-units/small-arms-school-corps/ |
Hanes golygu
Crewyd yr Ysgol Saethyddiaeth (Saesneg: School of Musketry) ym 1854, a'i ailenwyd yn yr Ysgol Fân-Arfau ym 1919. Daeth y ddwy ysgol yn Gorfflu'r Ysgolion Mân-Arfau a Gynnau Peiriant ym 1923. Cyfunwyd y ddwy ysgol ym 1929 gan greu Corfflu'r Ysgol Fân-Arfau.[2] Symudodd pencadlys y Corfflu o Hythe, Caint, i Ysgol y Troedfilwyr yn Warminster, Wiltshire, ym 1969.[1]
Gwisg golygu
Glas gyda pheipio a ffesin glas Caergrawnt yw gwisg y Corfflu.[2] Mae'r bathodyn cap yn dangos dwy reiffl Lee-Enfield wedi eu croesi dros wn peiriant Vickers, gyda'r goron uwchben, i gyd o fewn torch lawryf wedi ei addurno gyda sgrôl â'r teitl.[1]
Cerddoriaeth golygu
"March of the Bowmen" yw ymdeithgan y Corfflu.[1]
Traddodiadau golygu
Dethlir Diwrnod y Corfflu ar 19 Medi pob blwyddyn i nodi agor yr Ysgol Saethyddiaeth yn Hythe, Caint, ar y dyddiad hwn ym 1854.[1]
Cyfeiriadau golygu
Dolen allanol golygu
- (Saesneg) Gwefan swyddogol