Cwmni Dawns Werin Caerdydd

Mae Cwmni Dawns Werin Caerdydd yn grŵp dawnsio gwerin Cymreig amatur a lleolid yng Nghaerdydd.

Hanes golygu

Sefydlwyd Dawns Werin Caerdydd yn 1968.^[1] Arferent ymarfer yn Hen Ganolfan yr Urdd Caerdydd, a oedd ar Heol Conwy yn ardal Pontcanna o'r brifddinas ^[2] ac arferwyd ei galw'n Cwmni Dawns Werin Aelwyd Caerdydd. Ymysg y sylfaenwyr oedd Christine a Rhodri Jones.^[3]

Sefydlwyd cwmni Dawnswyr Nantgarw gan aelodau cwmni Dawns Caerdydd oedd yn gweithi yn ardal Pontypridd.^[2]

Mae'r cwmni yn aelodau o Gymdeithas Ddawns Werin Cymru.^[4]

Gŵyl Ifan golygu

Yn 1977 sefydlodd y cwmni ddathliadau Gŵyl Ifan a gynhelir yn flynyddol ar 24 Mehefin (diwrnod yr Ŵyl) neu ddyddiad cyfagos cyfleus. Bydd y Cwmni, ynghŷd â grwpiau dawns a gwerin eraill o Gymru, yn gorymdeithio drwy ganol Caerdydd er mwyn codi'r 'Pawl Haf' o flaen Neuadd Dinas Caerdydd.^[5]

Perfformio golygu

Mae'r cwmni'n cynnal gwahanol fathau o berfformiadau ac yn perfformio am wahanol resymau. Byddant yn dawnsio a chynnal twmpath dawns gyda galwr a cherddoriaeth fyw a hefyd yn cymryd rhan mewn perfformiadau ail-hanesu (re-enactments) o draddodiadau gwerin Cymru.

Maent wedi teithio ar draws Cymru a thu hwnt yn dawnsio gan gynnwys i; Iwerddon, Yr Iseldiroedd, Yr Almaen, Llydaw, Gwlad Belg a Sbaen a hyd yn oed wedi teithio cyn belled ar Unol Daleithiau, Siapan ac Wcráin.

Anrhydeddau a Gwobrau golygu

Cydnabyddwyd cyfraniad y Cwmni i ddiwylliant gwerin Ewrop yn 1983 pan ddyfarnwyd Gwobr Ewropa am gelfyddyd werin - yr unig grŵp o Gymru i dderbyn yr anrhydedd hon.

Mae'r Cwmni wedi ennill prif wobr dawnsio gwerin yn yr Eisteddfod Genedlaethol sawl gwaith, y tro diwethaf yn 2012.

Anrhydeddwyd dau o aelodau selocaf y Cwmn, Gill a Dai Evans fel Llywyddion y Dydd yn Eisteddfod Genedlaethol Cymru Caerdydd 2018 oherwydd eu gwasanaeth i ddawnsio gwerin Gymreig ac i fywyd Cymraeg Caerdydd.

Dolenni golygu

Gwefan swyddogol Cwmni Dawns Werin Caerdydd Archifwyd 2021-05-14 yn y Peiriant Wayback.
Facebook Cwmni Dawns Werin Caerdydd
eitem yn Saesneg ar BBC o'r 1980 am draddodiad y Fari Lwyd gydag aelodau'r Cwmni
Twitter @hdawnswyr_cdydd
Gwefan 'Dawnsio': Cymdeithas Ddawns Werin Cymru

Cyfeiriadau golygu

↑ "copi archif". Archifwyd o'r gwreiddiol ar 2022-05-17. Cyrchwyd 2019-01-17.
↑ ^2.0 ^2.1 http://dinesydd.cymru/index.php/2018/07/31/dawnswyr-nantgarw/^{[dolen marw]}
↑ https://www.bbc.co.uk/cymrufyw/44813953
↑ https://dawnsio.cymru/timoedd/
↑ "copi archif". Archifwyd o'r gwreiddiol ar 2022-05-17. Cyrchwyd 2019-01-17.

[1] "copi archif". Archifwyd o'r gwreiddiol ar 2022-05-17. Cyrchwyd 2019-01-17.

[dinesydd.cymru-2] 2.0 ^2.1 http://dinesydd.cymru/index.php/2018/07/31/dawnswyr-nantgarw/^{[dolen marw]}

[3] ttps://www.bbc.co.uk/cymrufyw/44813953

[4] ttps://dawnsio.cymru/timoedd/

[5] "copi archif". Archifwyd o'r gwreiddiol ar 2022-05-17. Cyrchwyd 2019-01-17.

[1]

[2]

[3]

[4]

[5]