Eilir Jones
Mae Eilir Jones (ganwyd 26 Gorffennaf 1963)[1] yn ddigrifwr, awdur a pherfformiwr o Gymro, a fagwyd ym Mlaenau Ffestiniog, yn Nhywyn, Gwynedd, Y Drenewydd a Dinas Mawddwy; gweinidog ac awdur oedd ei dad. Mae'n adnabyddus am greu cymeriadau gwirion ar lwyfan, sgrin a radio, fel y "Ffarmwr Ffowc", cymeriad ffraeth a gwledig ei dafod.
| Eilir Jones | |
|---|---|
| Enw bedydd | Eilir Jones |
| Geni | 26 Gorffennaf 1963 |
| Cyfrwng | Comedi stand-yp |
| Cenedligrwydd | Cymro |
| Blynyddoedd gwaith | c. 1986 - presennol |
| Genres | Comedi gwledig, dychan, iaith ymylol |
| Gweithiau nodedig | Ffarmwr Ffowc |
Sgwennodd Eilir y gyfrol Dyddiadur Ffarmwr Ffowc a gyhoeddwyd gan Wasg y Lolfa.[2] a Meddyliau Eilir hefyd gan Wasg y Lolfa[3] Sgwennodd "Un Fach Flewog", "Bwletîn" a "Torri Calon" ar gyfer Radio Cymru a rhaglenni comedi Bwletin a Naw Tan Naw ar gyfer S4C. Gyda Theatr Bara Caws, perfformiodd "Un Fach Flewog", "Caffi Basra" a "Dal i Bwmpio".[4]
Cafodd ei addysg yn Ysgol Uwchradd Tywyn, Gwynedd ac yna yn Ysgol y Gader, Dolgellau cyn gweithio fel nyrs seicatryddol yn Ysbyty Gogledd Cymru yn Ninbych.
Yn 2013 roedd yn byw yn Llansannan ac roedd ganddo ddau o blant.
-
Meddyliau Eilir gan Eilir Jones (cyfres Meddyliau Eilir )
.jpg)
Cyfeiriadau golygu
- ↑ Trydariad Dewi Llwyd (25 Gorffennaf 2015).
- ↑ Gwefan Linkedin[dolen marw]; adalwyd 7 Hydref 2013.
- ↑ Gwasg y Lolfa Archifwyd 2016-03-06 yn y Peiriant Wayback. broliant marchnata'r llyfr Meddyliau Eilir (2013)
- ↑ Neges ganddo ar Trydar; 8 Hydref 2013