Guto Roberts
Actor o Gymru oedd Guto Roberts (13 Mawrth 1925 – 6 Mawrth 1999) a ymddangosodd mewn sawl cynhyrchiad llwyfan, ffilm a theledu yn y Gymraeg a'r Saesneg. Ganed ef yn 'Isallt Fawr', Cwm Pennant.
| Guto Roberts | |
|---|---|
| Ganwyd | 13 Mawrth 1925  Isallt-fawr |
| Bu farw | 6 Mawrth 1999 |
| Dinasyddiaeth |  Cymru |
| Galwedigaeth | actor |
Gyrfa golygu
Magwyd Roberts yn Eifionydd.
Efallai mai rhan mwyaf adnabyddus Guto Roberts oedd ei ran fel Ephraim Hughes y cyn-weinidog eisteddfodol, parchu yn y ddrama gomedi Fo a Fe.
Cymerodd ran mewn nifer o gynhyrchidau eraill yn yr 1970au ymlaen gan gynnwys, rhan arweinydd eisteddfod yn y ffilm Hedd Wyn, Mr Evans yng nghyfres deledu The Life and Times of David Lloyd George (1981); y Parch Jenkins yng nghyfres deledu Border Country (1979); Jenkyn Tyler yn Hawkmoor (1978) a Proctor yng nghyfres ddrama Brett (1971).
Yn ei flynyddoedd olaf bu’n gynrychiolydd i Gyhoeddiadau Mei a Gwasg Dwyfor.
Cariad at Fro golygu
Cyflwynodd ffilm cartref fer am Aberdaron sy'n adrodd hanes yr ardal a'i chymeriadau, yn 1967[1] Nodir ei fod yn byw yn Rhoslan, ger Cricieth arno. Gwnaeth hefyd ffilmio ffilm cartref fer arall Helpu Dad (1970) gyda'r Meic Povey ifanc yn actio ynddo a sgript gan Wil Sam[2]
Gyhoeddwyd llyfr amdanno, Y Fo[3] gan Wasg Carreg Gwalch ac fe'i golygwyd gan Dr Meredydd Evans.
Gwaddol golygu
Cyflwynodd Guto Roberts dros gant o eitemau gwerthfawr ar ffilm a fideo o ddigwyddiadau yn Eifionydd, sy’n amrywio o angladd T. H. Parry-Williams i bregeth gan Ifor Bowen Griffith a lluniau unigryw Robert Hughes, Uwchlaw’r Ffynnon wrth odre Yr Eifl i'r i’r Archif Sgrin a Sain Genedlaethol yn Llyfrgell Genedlaethol Cymru, Aberystwyth.
Dolenni golygu
- Archif Sgrin a Sain y Llyfrgell Genedlaethol Archifwyd 2018-08-21 yn y Peiriant Wayback.