Jacques Cujas

Cyfreithegwr ac ysgolhaig clasurol Ffrengig oedd Jacques Cujas (Lladin: Jacobus Cujacius; 1522 – 4 Hydref 1590) sydd yn nodedig am ei astudiaethau o'r gyfraith Rufeinig.

Jacques Cujas
Portread o Jacques Cujas gan arlunydd anhysbys (tua 1580).
Ffugenw	Antonius Mercator
Ganwyd	1522  Toulouse
Bu farw	4 Hydref 1590  Bourges
Dinasyddiaeth	Ffrainc
Alma mater	Prifysgol Toulouse
Galwedigaeth	jurist-consultant, athronydd, hanesydd y gyfraith

Ganed ef yn Toulouse, Teyrnas Ffrainc, ac yno astudiodd y gyfraith. Bu'n athro ym mhrifysgolion Toulouse, Valence, a Bourges, gan ennill enw ar draws Ewrop, ac ymhlith ei ddisgyblion oedd Joseph Justus Scaliger a Pierre Pithou. Bu farw Jacques Cujas yn Bourges.

Cyfreithiau Iwstinian oedd maes arbenigol Cujas. Cesglid yn ei Paratitla wirebau byrion ac eglur o Grynhoad a Chôd Iwstinian sydd yn cyfleu egwyddorion sylfaenol y gyfraith Rufeinig. Cyflawnodd Cujas hefyd argraffiad o Gôd Theodosiws. Cyhoeddwyd argraffiad llawn o weithiau Cujas, mewn deg cyfrol, gan Charles Annibal Fabrot ym 1658.