John Barlow
Roedd John Barlow (bu farw 30 Ionawr 1718) yn wleidydd Cymreig a wasanaethodd fel Aelod Seneddol etholaeth Hwlffordd rhwng 1715 a 1718 [1]
John Barlow | |
---|---|
Bu farw | 30 Ionawr 1718 (yn y Calendr Iwliaidd) |
Dinasyddiaeth | Teyrnas Prydain Fawr |
Galwedigaeth | gwleidydd |
Swydd | Aelod o 5ed Senedd Prydain Fawr |
Bywyd Personol golygu
Roedd yn fab i John Barlow, Lawrenny, Sir Benfro a Dorothy merch ac etifedd Thomas Barlow, Hwlffordd
Priododd Anne ferch Syr Hugh Owen 2il Farwnig ac AS Bwrdeistrefi a Sir Benfro rhwng 1678 a 1695. Bu iddynt saith mab a dwy ferch
Gyrfa golygu
Etifeddodd ystâd Lawrenny ar farwolaeth ei dad yn 1701
Gwasanaethodd fel Uchel Siryf Sir Benfro ym 1705
Gyrfa Wleidyddol golygu
Safodd yn erbyn ei gefnder (gweler y nodyn isod) Syr George Barlow, Slebets, mewn isetholiad ym Mai 1715 yn dilyn marwolaeth John Laugharne, George fu'n fuddugol ond cyflwynodd John ddeiseb yn erbyn y canlyniad i'r Senedd gan honni bod George wedi derbyn pleidleisiau gan bobl oedd yn derbyn cardod gan y plwyf, pobl oedd heb yr etholfraint. Llwyddodd y ddeiseb, ddiddymwyd etholiad George a rhoddwyd y sedd i John.
Dim ond unwaith bu i John Barlow pleidleisio yn y Senedd, gan gefnogi'r llywodraeth ar ddeddf i ehangu eisteddiadau seneddol o 3 i 7 mlynedd. Wedi pasio'r ddeddf caniatawyd i'r Senedd a etholwyd ym 1715 eistedd hyd 1722 yn hytrach na 1718 ond ni fu'r ehangiad o fudd i John gan iddo farw ym 1718.
nodyn golygu
Mae rhai ffynonellau (er enghraifft The Parliamentary History of the Principality of Wales gan W R Williams)[2] yn awgrymu bod John Barlow a Syr George Barlow yn frodyr. Camgymeriad a achoswyd gan aelodau o'r un teulu yn ailddefnyddio'r un enwau bedydd tro ar ôl tro. Roedd Syr George Barlow yn frawd i John Barlow AS Sir Benfro 1710 - 1715, ond nid y John Barlow uchod [3]
Cyfeiriadau golygu
- ↑ BARLOW, John (d.1718), of Lawrenny, Pemb. Published in The History of Parliament: the House of Commons 1715-1754, ed. R. Sedgwick, 1970
- ↑ The Parliamentary History of the Principality of Wales gan W R Williams
- ↑ BARLOW, John (c.1682-1739), of Colby, Wiston, Pemb. Published in The History of Parliament: the House of Commons 1690-1715, ed. D. Hayton, E. Cruickshanks, S. Handley, 2002
Senedd Prydain Fawr | ||
---|---|---|
Rhagflaenydd: George Barlow |
Aelod Seneddol Hwlffordd 1715 – 1718 |
Olynydd: Syr John Philipps |