Thomas Jones (bu farw 1604)
Roedd Syr Thomas Jones (1554 -1604) Yn fonheddwr Cymreig a wasanaethodd Aelod Seneddol ac Uchel Siryf.[1]
| Thomas Jones | |
|---|---|
| Ganwyd | 1554  Abermarlais |
| Bu farw | 1604 |
| Dinasyddiaeth |  Cymru |
| Galwedigaeth | gwleidydd |
| Swydd | Aelod Seneddol yn Senedd Lloegr, Aelod Seneddol yn Senedd Lloegr, Member of the 1586-87 Parliament, Member of the 1597-98 Parliament |
Teulu ac addysg golygu
Ganwyd Jones rhwng misoedd Chwefror ac Ebrill 1554 (mae'r union ddyddiad yn anhysbys) yn fab hynaf i Syr Henry Jones, Abermarlais ac Elizabeth merch Mathew Herbert, Cogan Pill, Penarth ei wraig.
Derbyniodd ei addysg yn Ysgol yr Amwythig cyn mynd ymlaen i'w hyfforddi'n fargyfreithiwr yn Gray's Inn. Priododd Jane ferch ac etifedd Rowland Puleston, Caernarfon bu iddynt pum mab a dwy ferch. Etifeddodd ystadau ei dad ym 1586
Gwasanaeth Cyhoeddus golygu
Bu Jones yn Ynad Heddwch ar feinciau Ceredigion a Sir Gaerfyrddin o 1583 Bu'n Custos Rotulorum Sir Gaerfyrddin 1586-1594 a 1595-1604 Bu'n Uchel Siryf Sir Gaerfyrddin ym 1589 Uchel Siryf Sir Aberteifi ym 1602 ac Uchel Siryf Sir Gaerfyrddin eto ym 1603. Bu'n Aelod Seneddol Sir Gaerfyrddin yn seneddau 1586 a 1597. Dyrchafwyd Jones yn farchog ym 1584[2]
Marwolaeth golygu
Bu farw Jones rhywbryd rhwng ysgrifennu ei ewyllys ar 7 Mawrth 1604 a'i brofi ar 18 Mai 1604. Claddwyd ei weddillion yn Llansadwrn.
Cyfeiriadau golygu
- ↑ JONES, Sir Thomas (1554-1604), of Abermarlais, Carm.The History of Parliament: the House of Commons adalwyd 16 Mehefin 2016
- ↑ W R Williams ''The Parliamentary History of the Principality of Wales'' adalwyd 16 Mehefin 2016
| Senedd Lloegr | ||
|---|---|---|
| Rhagflaenydd: Walter Rice |
Aelod Seneddol Sir Gaerfyrddin 1584 – 1586 |
Olynydd: Herbert Croft |
| Rhagflaenydd: Walter Vaughan |
Aelod Seneddol Sir Gaerfyrddin 1597 – 1601 |
Olynydd: John Vaughan |