Wicipedia

60 Ft. Dolls

Band roc Cymreig oedd 60 Ft. Dolls, a oedd yn weithgar yn ystod yr 1990au.[1]

Sefydlwyd y band yng Nghasnewydd ym 1992 gan Richard J. Parfitt a Michael Cole, a gyfarfodd trwy Donna Matthews (cyn-aelod o Elastica),[2] a oedd yn caru gyda Cole ac yn gweithio'n rhan amser mewn caffi pizza gyda Parfitt ar y pryd.[3] Ar ôl cael problemau'n ffeindio'r drymiwr cywir ar gyfer y band, ymunodd mab gweinidog, Carl Bevan, i gymryd y rôl.[4] Dylanwadwyd y band yn wreiddiol gan fandiau roc craidd caled Americanaidd a oedd yn chwarae yng Nghasnewydd (yn arbennig yng nghlwb T. J.'s),[5] redd y Dolls yn chwarae roc swnllyd ond alawol, a disgrifwyd gan NME fel "grunge mod...proto-pub metal blues of the first order".[6] Yn 1993, daeth Huw Williams o fand y Pooh Sticks yn reolwr arnynt[7] a rhyddhawyd eu sengl cyntaf, "Happy Shopper", wedi ei enwi ar ôl cadwyn o siopau Prydeinig, ar label recordio Townhill.[8]

Ar ôl cefnogi bandiau megis Oasis, Elastica a Dinosaur Jr., rhyddhaodd 60 Ft. Dolls eu ail sengl "White Knuckle Ride" ar Rough Trade Records ac yn ddiweddarach "Pig Valentine" ar RCA, imprint o Indolent Records. Hybwyd y senglau cynnar rhain llawer gan DJ BBC Radio 1, Steve Lamacq, ac yn dilyn hyn, clywodd y DJ Americanaidd dylanwadol, Rodney Bingenheimer o'r KROQ, am y band. Fel canlyniad o hyn, arwyddodd y band gytundeb gyda Geffen Records yn yr Unol Daleithiau. Rhestrodd y New York Times eu sengl "Pig Valentine" ymysg eu rhestr o senglau gorau'r flwyddyn yn 1996.[9] Fe aeth y band i restr 40 uchaf y siartiau Prydeinig gyda'u trydydd sengl, "Talk to Me" (Indolent, 1996). Dilynwyd hyn gan eu albwm cyntaf, The Big 3, a ddisgrifwyd fel "mor agos a phosib i berffeithrwydd roc esgyniol a sy'n bosib ei ddychmygu" gan yr NME[10] a "roc a rol hedonistaidd, bwriadol, brwd, soniarus, emosiynol, di-lol, digymysg, pur" [11] gan Melody Maker. Cafodd yr albwm ei gynnwys yn erthygl ôl-syllol Mojo' yn 2003, "Top 12 Britpop albums of the 90s", a'i disgrifiodd fel "dogfen diawledig o alwadol o'r cyfnod".[12]

Bu'r band ar deithiau eang ym Mhrydain, Japan ac Ewrop, ac ymddangos mewn sawl gŵyl ac agor sioe ar gyfer y The Sex Pistols yn eu gig ail-uno yn Finsbury Park yn 1996.[13] Ond roeddent yn cael eu trafferthu gan broblemau gyda alcohol, ac ar ôl tair taith blinedig o'r Unol Daleithiau yn 1997, aethont fyth ar daith eto.[14] Rhyddhawyd eu ail albwm, Joya Magica, yn hwyr yn 1998 a gwahanodd y band yn fuan wedyn.[15]

Recordiodd y band ddau sesiwn ar gyfer rhaglen BBC Radio 1 John Peel, yn 1996 ac 1998, a cawsont eu rhestru yn 125 sesiwn Peel gorau erioed.[16]

Discograffi golygu

Albymau golygu

  • The Big 3 (Indolent, 1996/Geffen, 1997)
  • Joya Magica (Indolent/Geffen, 1998)

EP golygu

  • Supernatural Joy EP (Geffen, 1996)
  • Hair EP (Indolent, 1996)

Senglau golygu

  • "Happy Shopper" (Townhill, 1994)
  • "White Knuckle Ride" (Rough Trade, 1995)
  • "Pig Valentine" (Indolent, 1995)
  • "Talk to Me" (Indolent, 1996)
  • "Stay" (Indolent, 1996)
  • "Happy Shopper" (re-recording) (Indolent, 1996)
  • "Alison's Room" (Indolent, 1998)

Traciau a ymddangosodd mewn casgliadau golygu

  • "London Breeds" ar "I Was a Teenage Gwent Boy (Frug Records, 1994)
  • "Dr Rat" ar "Club Spangle (Spangle Records, 1995)
  • "British Racing Green" ar "For Immediate Use (Raw, 1995)
  • "The Universal" ar "Long Ago and Worlds Apart (Nippon Crown, 1995)
  • "Number 1 Pure Alcohol" ar "Home Truths (Echo, 1995)
  • "Happy Shopper" ar "Indie Top 20, Volume 21 (Beechwood Music, 1996)
  • "Talk to Me" ar "Indie Top 20, Volume 23 Beechwood Music, 1996)
  • "Pony Ride" ar "London Calling 1 (London Calling, 1996)
  • "Talk to Me" ar "Mad for It (Telstar, 1996)
  • "Stay" ar "The Best Album in The World Ever! Vol. 3 (Circa Records, 1996)
  • "Stay" ar "The Magnificent Seven cassette (Melody Maker covermount, 1996)

Cyfeiriadau golygu

  1. ↑  MacKenzie Wilson. 60 Ft. Dolls > Overview. allmusic.com.
  2. ↑ I-D, Tachwedd 1995)
  3. ↑ NME 30 Awst 1994
  4. ↑ NME, tud.10, Mai 13, 1995
  5. ↑ The Independent section 2, tud. 7, 21 Rhagfyr, 1995
  6. ↑ NME, Ebrill, 1995
  7. ↑  60ft Dolls. BBC Wales.
  8. ↑ Select, Medi 1994
  9. ↑  Neil Strauss (4 Ionawr 1996). The Pop Life. The New York Times.
  10. ↑ NME, 30 Tachwedd 1996
    "As close to soar-away rock perfection as it's possible to imagine"
  11. ↑ Melody Maker, Rhagfyr 1996
    "Pure, unadulterated, no nonsense, emotional, tuneful, impassioned, purposeful, hedonistic rock 'n' roll"
  12. ↑ Mojo, tud.82, Ebrill 2003
    "A devilishly evocative document of the period"
  13. ↑  60ft Dolls. Discogs.
  14. ↑ Select, Mai 1997
  15. ↑ Q, Gorffennaf 1998
  16. ↑  Peel Sessions: Best 125. BBC Radio 1.

Dolenni allanol golygu

Wedi dod o "https://cy.wikipedia.org/w/index.php?title=60_Ft._Dolls&oldid=10993741"