Aït Benhaddou

Tref gaerog yn ne canolbarth Moroco yw Aït Benhaddou (Amazigh: Ath Benhadu, Arabeg: آيت بن حدّو‎). Gorwedd y gaer, neu ksar (kasbah) yn Arabeg Moroco, ar yr hen lwybr carafan rhwng y Sahara a Marrakech. Fe'i lleolir yn rhanbarth modern Souss-Massa-Draâ ar fryn uwchlaw Afon Ouarzazate, tua 32 km o ddinas Ouarzazate ei hun. Mae'r rhan fwyaf o drigiolion yr hen gaer wedi symud i fyw mewn pentref yr ochr arall i'r afon.

Aït Benhaddou

Math	ksar, treftadaeth
Daearyddiaeth
Sir	Ait Zineb
Gwlad	Moroco
Arwynebedd	3.03 ha, 16.32 ha
Cyfesurynnau	31.05°N 7.13°W
Statws treftadaeth	Safle Treftadaeth y Byd, Treftadaeth ddiwylliannol Moroco
Manylion
Ffeiliau perthnasol ar Comin

Ksar Aït Benhaddou o Afon Ouarzazate

Edrych i lawr dros y gaer

Dyma un o gaerau mwyaf adnabyddus Moroco, a gyhoeddwyd yn Safle Treftadaeth y Byd gan UNESCO yn 1987. Mae wedi denu nifer o wneuthurwyr ffilm hefyd, ac mae rhannau o dros ugain o ffilmiau wedi'u saethu yno, yn cynnwys:

• Lawrence of Arabia (1962)
• The Man Who Would Be King (1975)
• Time Bandits (1981)
• The Jewel of the Nile (1985)
• The Living Daylights (1987)
• The Last Temptation of Christ (1988)
• The Sheltering Sky (1990)
• Kundun (1997)
• The Mummy (1999)
• Gladiator (2000)
• Alexander (2004)