Afon Llafar (Penllyn)
afon yng Ngwynedd
Afon yn ardal Penllyn ym Meirionnydd, Gwynedd yw Afon Llafar. Mae'n tarddu ar lethrau Arenig Fawr ac yn cyrraedd ei haber yn Llyn Tegid. Ei hyd yw tua 5 milltir.
 Afon Llafar ger ei haber yn Llyn Tegid | |
| Math | afon  |
|---|---|
| Daearyddiaeth | |
| Lleoliad | Penllyn |
| Sir | Gwynedd |
| Gwlad |  Cymru |
| Cyfesurynnau | 52.874°N 3.648°W |
| Aber | Llyn Tegid |
| Hyd | 5 milltir |
 | |
Gorwedd tarddle'r afon ar lethrau dwyreiniol Arenig Fawr tua 500 metr i fyny. Mae sawl ffrwd o'r llethrau hynny yn ymuno mewn llecyn a enwir ym Manc y Merddwr i ffurfio'r afon. Llifa wedyn ar gwrs de-ddwyreiniol gyda sawl ffrwd fechan yn llifo iddi, yn cynnwys afon Dylo o rannau uchaf Cwm Dylo.
Mae'n llifo heibio i bentre bychan Parc, safle hen blasdy, ac o dan bont sy'n dwyn y lôn sy'n dringo o Lanycil i ben Cwm Dylo. Mae'n cyrraedd pen ei thaith ger Glanllyn, safle gwersyll yr Urdd, lle mae'n aberu yn Llyn Tegid.