Afon Rother (Dwyrain Sussex)
Afon yn Nwyrain Sussex a Chaint, De-ddwyrain Lloegr, yw Afon Rother. Mae'n codi ger Rotherfield yn Nwyrain Sussex, mae'n llifo am 56 km (35 mi) ac yn cyrraedd y Môr Udd ger Rye. Cyn 1287 roedd ei haber ymhellach i'r dwyrain ym mhorthladd New Romney yng Nghaint, ond fe newidiodd ei chwrs ar ôl i storm fawr rwystro ei allanfa i'r môr.
 | |
| Math | afon  |
|---|---|
| Daearyddiaeth | |
| Sir | Dwyrain Sussex, Caint |
| Gwlad |  Lloegr |
| Cyfesurynnau | 50.929438°N 0.773184°E |
| Aber | Môr Udd |
| Llednentydd | Afon Brede |
| Dalgylch | 970 cilometr sgwâr |
| Hyd | 56 cilometr |
 | |
Ar hyd y 23 km (14 mi) olaf, mae gwely'r afon yn is na lefel y penllanw, a defnyddir llifddor Scots Float i reoli lefelau. Mae'r llifddor yn atal dŵr hallt rhag mynd i mewn i system yr afon yn ystod penllanwau, ac yn cadw dŵr yn yr afon yn ystod misoedd yr haf er mwyn sicrhau iechyd cynefin y gors o'i amgylch. I lawr yr afon o'r llifddor, mae'n llanwol am 6 km (3.7 mi).
Mae'r afon wedi cael ei defnyddio i gludo nwyddau ers cyfnod y Rhufeiniaid, ac mae cychod bach yn dal i fordwyo cyn belled â Chastell Bodiam.
.png)