Alun Morgan
Beirniad cerddoriaeth ac awdur am jazz o Gymro oedd Alun Morgan (24 Chwefror 1928 – 11 Tachwedd 2018).[1]
| Alun Morgan | |
|---|---|
| Ganwyd | 24 Chwefror 1928  Pontypridd |
| Bu farw | 11 Tachwedd 2018 |
| Dinasyddiaeth |  Cymru |
| Galwedigaeth | awdur, newyddiadurwr cerddoriaeth |
Ganwyd ym Mhontypridd. Magodd Morgan ei ddiddordeb mewn jazz fel plentyn yn ei arddegau yn ystod yr Ail Ryfel Byd. Bu Charlie Parker yn ddylanwad sylweddol arno yn y 1940au hwyr. Dechreuodd Morgan ysgrifennu am jazz yn y 1950au cynnar ar gyfer Melody Maker, Jazz Journal, Jazz Monthly a Gramophone. Am 20 mlynedd o 1969 bu'n awdur wythnosol colofn jazz mewn papur newydd lleol yn Swydd Caint. Yn ystod ei yrfa ysgrifennu bu'n gyfrifol am greu nodiadau clawr ar gyfer dros 2,500 o albymau, i gychwyn ar gyfer Recordiau Vogue. O 1954 bu'n cyfrannu at raglenni cerdd ar gyfer Radio'r BBC.
Roedd Morgan yn awdur llyfr ar jazz cyfoes yn Lloegr ac yn gyd-awdur nifer o lyfrau am recordiau jazz. Bu'n darlithio ar jazz yn Ysgol Gerdd a Drama y Guildhall a'r Academi Gerdd Frenhinol yn Llundain.
Hyd ei ymddeoliad ym 1991 bu hefyd yn gweithio fel pensaer. Ychydig wedi ei ymddeoliad ymfudodd i Awstralia.[2]
Gweithiau
golygu- 1998, 1995: The Gramophone Jazz Good CD Guide, gyda Keith Shadwick, Dave Gelly, Steve Voce a Brian Priestley, Gramophone Publications
- 1984: Count Basie, (cyfres Jazz Masters ), Spellmount Publishers
- 1977: Modern Jazz - A survey of developments since 1939, gyda Raymond Horricks, Llundain, Gollancz, 1956; Westport, CT, Greenwood Publishing
- 1975: Modern Jazz-The Essential Records, gyda Max Harrison, Ronald Atkins, Michael James a Jack Cooke, Aquarius Books
- 1968: Jazz on record: a critical guide to the first 50 years, gyda Albert McCarthy, Paul Oliver a Max Harrison, Llundain: Hanover Books; Efrog Newydd: Oak Publications
- 1960: Jazz On Record: A Critical Guide, gyda Charles Fox, Peter Gammond ac Alexis Korner, Grey Arrow/Hutchinson
Cyfeiriadau
golygu- ↑ (Saesneg) "Alun Morgan, writer whose lucid prose enthused generations of jazz lovers – obituary", The Daily Telegraph (6 Rhagfyr 2018). Adalwyd ar 18 Ebrill 2019.
- ↑ "Alun Morgan", All-Music