Alwyn D. Rees
Ysgolhaig a golygydd Cymreig oedd Alwyn David Rees (27 Mawrth 1911 – Rhagfyr 1974), a ysgrifennodd fel Alwyn D. Rees. Roedd yn ddarlithydd prifysgol a ddaeth yn adnabyddus fel awdur nifer o lyfrau ac fel golygydd y cylchgrawn Barn.
| Alwyn D. Rees | |
|---|---|
| Ganwyd | 27 Mawrth 1911  |
| Bu farw | Rhagfyr 1974 |
| Dinasyddiaeth |  Cymru |
| Galwedigaeth | golygydd |
Ganed Alwyn D. Rees yn Llanarel, Coalbrook, Gorseinon; roedd ei dad yn weindiwr mewn pwll glo. Daeth ei frawd Brinley Rees hefyd yn adnabyddus, ac yn ddiweddarach ysgrifennodd y ddau lyfr, Celtic Heritage, sy'n ceisio gosod yr etifeddiaeth Geltaidd mewn fframwaith ehangach Indo-Ewropeaidd, ar y cyd. Astudiodd yng Ngholeg Prifysgol Cymru, Aberystwyth gan raddio mewn Daearyddiaeth ac Anthropoleg yn 1933. Bu'n diwtor yn Adran Allanol y coleg o 1936 hyd 1946, yna'n ddarlithydd yn yr Adran Daearyddiaeth ac Anthropoleg hyd 1949 pan apwyntiwyd ef yn Gyfarwyddwr yr Adran Efrydiau Allanol. Ystyrir ei lyfr Life in a Welsh countryside, astudiaeth gymdeithasegol o bentref Llanfihangel yng Ngwynfa, yn glasur.
Daeth yn olygydd y cylchgrawn Barn yn Chwefror 1966, a daeth i amlygrwydd cenedlaethol trwy ei ysgrifau ynddo. Roedd yn gefnogwr brŵd i ymgyrchoedd Cymdeithas yr Iaith Gymraeg. Bu hefyd yn olygydd Yr Einion/The Welsh Anvil o 1949 hyd 1958.
Gweithiau golygu
- Adfeilion : sylwadau ar argyfwng ein dyddiau ni (1943)
- Celtic Heritage: ancient tradition in Ireland and Wales (gyda Brinley Rees) (1961)
- Life in a Welsh countryside : a social study of Llanfihangel yng Ngwynfa (1996)
- Sylfeini gweriniaeth
- Welsh rural communities (golygydd gyda Elwyn Davies) (1960)
- Ym marn Alwyn D. Rees, casgliad o'i erthyglau yn Barn, wedi'u golygu gan Bobi Jones (1976)