Mynydd ar ynys Na Hearadh yn Ynysoedd Allanol Heledd yw An Cliseam (799 metr / 2622 troedfedd). Dyma'r copa uchaf yn Ynysoedd Allanol Heledd.

An Cliseam
Clisham.jpg
Math mynydd Edit this on Wikidata
Daearyddiaeth
Sir Ynysoedd Allanol Heledd Edit this on Wikidata
Gwlad Baner Yr Alban Yr Alban
Cyfesurynnau 57.9637°N 6.814°W Edit this on Wikidata
Cod OS NB154073 Edit this on Wikidata
Amlygrwydd 799 metr Edit this on Wikidata

Mae'r llwybr rhwyddaf i'r copa yn cychwyn o fan uchaf ffordd yr A859 rhwng An Tairbeart (Tarbert) ac Ardvourlie (Aird a' Mhulaidh), gan ddringo ysgwydd deheuol llydan y mynydd. Ceir llwybr arall sy'n cychwyn ger pont ar afon Scaladale (Abhainn Scaladail) ger Ardvourlie, lle gellir dringo'r copa llai Tomnabhal (552 m) ac wedyn mynd ymlaen i An Cliseam. Gellir dilyn y grib i gyfeiriad y gorllewin o An Cliseam wedyn i gopaon Mulla-Fo-Deas (743 m), Mulla-Fo-Thuath (720 m) a Mullach an Langa (614 m), gan gwblhau felly 'Pedol An Cliseam'.

An Cliseam o'r Abhainn Mharaig, ger y briffordd i Leòdhas.