Cai: Gwahaniaeth rhwng fersiynau

Cymeriad a gysylltir a'r brenin [[Arthur]] mewn chwedlau Cymreig yw '''Cai fab Cynyr''' neu '''Cai Hir'''. Ymddengys yn chwedl ''[[Culhwch ac Olwen]]'', lle mae'n cynorthwyo Culhwch i gyflawni'r tasgau a roddwyd iddo gan [[Ysbaddaden Bencawr]] er mwyn iddo gael priodi [[Olwen]]. Cai sy'n cyflawni'r dasg gyntaf, sef cael cleddyf Wrnach Wyddel. Ef hefyd, gyda [[Bedwyr]], sy'n teithio ar ysgwydd [[Eog Llyn Llyw]] i gael hyd i'r carcharor [[Mabon fab Modron]]. Mae'n cael barf y cawr [[Dillus Farfog]] i wneud cynllyfan ar gyfer yr helgi Drudwyn; ond mae'n ffraeo ag Arthur pan mae Arthur yn canu englyn yn ei watwar am daro Dillus pan fo'n cysgu. Ymddengys hefyd yn y gerdd ''Pa ryw [g]ŵr yw y porthor?' yn ''[[Llyfr Du Caerfyrddin]] (o tua'r [[10fed ganrif]]), lle dywedir iddo orchfygu cath enfawr, [[Cath Palug]].

Ymddengys Cai a Bedwyr yn yr ''[[Historia regum Britanniae]]'' gan [[Sieffre o Fynwy]], lle mae'n cynorthwo Arthur i orchfygu Cawr Mont Saint-Michel. Cai yw [[distain]] Arthur yn ôl Sieffre. Yn fersiwn [[Chrétien de Troyes]], mae'n gymeriad treisiol ac anghwrtais, sy'n cael ei oddef yn y llys yn unig oherwydd ei fod yn frawd maeth i Arthur; gwelir yr ochr dywell i'w gymeriad yn y traddodiad Cymreig hefyd, e.e. yn y ffrae ag Arthur (gweler uchod).