Aurelius Caninus

Un o’r pum teyrn Cymreig yr ymosodwyd arnynt gan Gildas yn ei lyfr De Excidio Brittanniae oedd Aurelius Caninus (fl. tua 530), y cyfeirir ato hefyd fel Cynan Wledig (gweler isod).

Aurelius Caninus
Dinasyddiaeth	Cymru
Galwedigaeth	teyrn, pendefig
Blodeuodd	540
Swydd	tywysog
Perthnasau	Cystennin

Gildas

Ef yw’r ail i’w grybwyll gan Gildas yn ei restr o frenhinoedd Cymreig, ac awgryma J.E. Lloyd, os yw Gildas yn eu rhestru yn ôl eu lleoliad daearyddol, fod ei deyrnas yn Nyffryn Hafren.

Awgryma Lloyd ymhellach y gall fod Aurelius Caninus yn ddisgynnydd i Ambrosius Aurelianus, a bod Gildas wedi troi enw Celtaidd y brenin yn "Caninus" (ci) fel sarhad arno. Mae’n ei gyhuddo o lofruddiaeth, godineb a chasineb at heddwch. Dywed fod ei deulu wedi marw a’i adael "fel pren crin yng nghanol cae."

Sieffre o Fynwy

Ymddengys yng ngwaith Sieffre o Fynwy dan yr enw "Aurelius Conanus", neu yn y trosiadau Cymraeg o waith Sieffre, "Cynan Wledig".