Baner Saint Martin

Baner Cymuned Saint Martin Ffrengig Ffrengig yw baner Ffrainc. Mae Cymuned Saint Martin Ffrengig yn rhan o gymuned Ffrainc fel collectivité d'outre-mer (COM). Mae'r gymuned Ffrangeg yn rhannu Ynys Saint Martin gyda Sint Maarten, sy'n rhan o Deyrnas yr Iseldiroedd. Mae'r ynys wedi ei lleoli yn yr Antilles ym Môr y Caribî.

Baner answyddogol, ansicr ei defnydd

Baner Ffrainc a ddefnyddir yn swyddogol

Ceir dwy baner answyddogol, un sy'n arddangos arfbais y gymuned ar faes gwyn. Ceir hefyd baner mwy gyfoes sydd, ymddengys wedi ei defnyddio ers yr 1900au ond mae gwybodaeth amdanni'n annelwig. Mae'r faner yn arddel maes glas gyda triongl gwyn yn disgyn o'r brig ac yn cyffwrdd gwaelod y faner i greu siâp 'Y'. Yn y canol ceir triongl coch ac uwchlaw hanner disg melyn sy'n dybiedig yno i ddarlunio haul yn codi ar y gorwel.

Map o ynys Saint Martin

Ceir hefyd faner, sydd mewn gwirionedd yn logo wedi ei rhoi ar luman, ar gyfer Collectivité' de Saint-Martin, sef y llywodraeth leol. Mae'n cynnwys enw'r ynys a'r geiriau "Saint-Martin Caraïbe Français French Caribbean" gyda rhuban yn rhannol amgylchynu'r geiriau. Mae rhan uchaf y rhuban yn dilyn siap arfordir gogledd yr ynys ac mewn gwyrdd, tra fod gweddill y rhuban mewn glas gan amlinellu yn fras, ochr orllewinnol yr ynys.

Bydd rhai hefyd yn defnyddio Arfbais Saint Martin fel baner o fath i'r Gymuned.

Cyd-destun

Bu Saint Martin am flynyddoedd yn commune Ffrengig ac yn rhan o lywodraethiant Guadeloupe a oedd yn région a département tramor o Ffrainc. Yn 2003 pleidleisiodd y boblogaeth dros ymwahanu oddi ar Guadeloupe er mwyn creu cymuned collectivité d'outre-mer arwahân fel rhan o Ffrainc. Ar 9 Chwefror 2007 pasiodd cynulliad Ffrainc bil yn rhoi statws COM i Saint Martin ac un arall i'r ynys Ffrengig gyfagos, Saint Barthélemy. Mae Saint Martin yn rhan o'r Undeb Ewropeaidd gan ei fod yn rhan o Ffrainc.

Dolenni allanol

• Baner Saint Martin