Billboard Hot 100
Siart boblogrwydd senglau cyffredin diwydiant cerddorol yr Unol Daleithiau ydy'r Billboard Hot 100. Darperir y siart yn wythnosol gan gylchgrawn Billboard. Seilir safleoedd yn y siart ar y nifer o weithiau y caiff cân ei chwarae ar y radio yn ogystal ag ar werthiant; dechreua'r wythnos ar gyfer gwerthiant ar ddydd Llun a daw i ben ar ddydd Sul; tra bod yr wythnos ar gyfer chwarae caneuon ar y radio yn mynd o ddydd Mercher tan ddydd Mawrth. Caiff siart newydd ei choladu a'i rhyddhau'n swyddogol i'r cyhoedd gan Billboard ar ddydd Iau. Caiff pob siart ei dyddio gyda dyddiad "wythnos-yn-gorffen" sef y dydd Sadwrn canlynol. Er enghraifft:
- Dydd Llun, 1 Ionawr – dechreua wythnos tracio-gwerthiant
- Dydd Mercher, 3 Ionawr – dechreua wythnos tracio caneuon ar y radio
- Dydd Sul, 7 Ionawr – diwedda wythnos tracio gwerthiant
- Dydd Mawrth, 9 Ionawr – diwedda wythnos tracio caneuon ar y radio
- Dydd Iau, 11 Ionawr – rhyddheuir y siart newydd, gyda dyddiad rhyddhau o ddydd Sadwrn, 20 Ionawr
 | |
| Enghraifft o'r canlynol | Siart recordiau  |
|---|---|
| Cyhoeddwr | Billboard |
| Dechrau/Sefydlu | 1958 |
| Gwladwriaeth | Unol Daleithiau America |
| Gwefan | http://www.billboard.com/charts/hot-100 |
 Ffeiliau perthnasol ar Gomin Wicimedia | |
Y gân gyntaf i gyrraedd brig y siart Hot 100 oedd "Poor Little Fool" gan Ricky Nelson ar 4 Awst 1958.
