Brigantia
Brigantia oedd prif dduwies y Brigantes, llwyth Celtaidd a drigai yn y tir sy'n ogledd Lloegr erbyn heddiw. Er iddi gael ei haddoli mewn rhannau eraill o'r Brydain Rufeinig yn ogystal, roedd hi'n dduwies arbennig i'r Brigantiaid, a enwir ar ei hôl, yn ôl pob tebyg.
![](http://upload.wikimedia.org/wikipedia/commons/thumb/b/bf/087_Din%C3%A9ault_Statue_de_divinit%C3%A9_Brigitte.jpg/170px-087_Din%C3%A9ault_Statue_de_divinit%C3%A9_Brigitte.jpg)
Cedwir enw'r dduwies mewn saith arysgrif o'r cyfnod Rhufeinig. Mae dwy o'r rhain yn ei huniaethu â'r dduwies Rufeinig Victoria. Mae un arall yn ei huniaethu â Caelestis, un o dduwiesau'r Gogledd Affrica Rufeinig. Mae cerflun o gaer Rufeinig Birrens, de'r Alban, yn ei phortreadu fel Minerva gyda choron ac adenydd Victoria. Awgryma'r dystiolaeth fod y Rhufeiniaid yn ei gweld fel duwies Buddugoliaeth gyda chysylltiad â'r nefoedd.
Ffynonellau
golygu- Bernhard Maier, Dictionary of Celtic religion and culture (Boydell Press, 1998)